“Açığı deyim ki, super oyun oldu. Çox maraqlı və bol qollu bir qarşılaşma keçdi. Əlimizdən gələni etdik ki, meydanı qalib tərk edək. Bəlkə də, çoxları inanmırdı. Lakin biz komanda olaraq qələbəmizə inanırdıq. Böyük hesablı qələbə gözləməsək də, qalib gələcəyimizə inamımız vardı. Çox şükür ki, istəyimizə çatdıq. Növbəti oyunlarda da, bax belə davam etmək lazımdır.”

Bi sözləri “Səbail” klubunun gənc futbolçusu Elmir Tağıyev Futbolmedia.Az saytına açıqlamasında deyib. Komandanın əsas heyətində çıxış edən futbolçu özü haqda da, bunları söylədi.

“Baş məşqçimiz Aftandil Hacıyevə öz təşəkkürümü bildirirəm ki, mənə ehtimad etdi. Əsas heyətdə oynamaq şansı yaradır. Mən də, var gücümlə komandamın uğur qazanması üçün çalışıram. Öz üzərimdə daha çox hazırlaşaraq, daha da, artırmağa çalışacam.”