"Qarabağ"la oyuna çox ciddi və yaxşı hazırlaşmışdıq. Elə ilk yarıda komanda çox yüksək səviyyədə oyun nümaiş etdirdi. Kifayyət qədər təhlükəli vəziyyətlərimiz oldu. Xüsusən də, ilk yarıda qol şanslarını əldən qaçırdıq. Mən deyərdim ki, bəxtimiz gətirmədi. Bundan başqa da, dəqiqlik çatmadı. Lakin ikinci yarıda isə əksinə bir qədər zəif təsir bağışladıq. Ümumi götürəndə, çox yaxşı oyun sərgilədik. Həm aqressi, həm dinamik oyun oynadıq."

Bu sözlər, Futbolmedia.Az saytına açıqlamasında "Səbail" klubunun futbolçusu Elmir Tağıyev deyib. Meydana sonradan girərək qol vuran futbolçu öz oyunundan və vurduğu qol haqda bunları söylədi.

""Qarabağ" kimi güclü və çempion komandaya qarşı belə oyun sərgiləmək asan deyil. Onklar həmçinin Avrokuboklarda öz sözünü deyən güclü rəqibdir. Buna görə, oyunumuz çətin keçdi. Baş məşqçi Mahmud müəllim mənə sonradan meydana daxil olmaq üçün şans verdi. Şükürlər olsun ki, bu şansdan maksimum yararlandım. Əsas məslə komandama xeyrim dəyməsidir. İnanıram ki, növbəti oyunlarda daha dişimizə uyğun rəqiblərlə xal qazana biləcəyik. Niyə də, olmasın.