Yay mövsümü və Premyer Liqamızda fasilə ilə əlaqədar bir çox klublarımız heyətini yeni transferlərlə gücləndirməklə yanaşı, ölkə xaricində yüksək səviyyədə təlim-məşq toplanışı keçir. Ölkə xaricində bir neçə səviyyəli klublarla yoldaşlıq oyunları keçirirlər. Hər dəfə bir klubun durumu, təlim – məşq toplanışı və transferlərini dəyərləndiririk. Bu dəfəki yazımızda isə “Səbail”lə bağlı olacaq. "Səbail" Gürcüstanda təlim-məşq toplanışı çərçivəsində dünən ikinci yoxlama oyununa çıxıb. Mahmud Qurbanovun baş məşqçisi olduğu komanda Gürcüstanın tanınmış və keçən mövsüm Konfrans Liqasında iştirak etmiş təmsilçisi “Qaqra” klubu ilə qarşılaşıb və 2:1 hesabı ilə qalib gəlib.

"Səbail"in qollarını Qoba Zakpa (10-cu dəqiqə) və Luvaqu Kizito (76-cı dəqiqə) vurub. Onuda qeyd edim ki, "Səbail" bundan əvvəl Gürcüstanda Tbilisi "Dinamo"suna 0:2 hesabı ilə uduzmuşdu. Lakin uduzduğu oyunun da belə, pis təsir bağışlamamışdı. “Qaqra” ilə oyuna gəlincə isə Mahmud Qurbanovun yetirmələri çox yaxşı təsir bağışladılar. Düzünü desək,oyunda məşqçi işi açıq-aydın görünürdü. Meydandakı taktiki gedişatlar, oyun sistemində bir fərqlilik oldu. “Səbail”in baş məşqçisi qısa bir zamanda buna nail olacağını bəlkə də, çox adam gözləmirdi.



Çünki M. Qurbanovun Premyer –Liqa təcrübəsi demək olar ki, yoxdur. Əslində var. Yəni bir dəfə “Kəpəz” klubunda uzun illər öncə olub. Lakin bu zamandan çox illər keçib. Dövran və futbolda dəyişiklər çox olub. Bütün bunlara baxmayaraq M. Qurbanov özünə çox inamlı görünür. Gürcüstana yollanmazdan öncə də, onun “Kəpəz”lə və digər klublarla yoldaşlış oyununu izləmişəm. Komandanın qısa zaman kəsiyində belə dəyişməsi, hücum futboluna üstünlük verməsi, çoxlu qol vurması, sorğu-sualsız alqışa laiqdir. Bir sözlə, Mahmur Qurbanov hazırki dönəmə qədər komandanın nəbizini tutmaqda davam edir.



Görək Premyer-Liqada nələr olacaq. Etibarlı mənbədən aldığımız məlumata görə, “Səbail”in köhnə futbolçuları ilə yanaşı, yeni transferləri də,Mahmud hocaya hörmətlə yanaşırlar. Yəni baş məşqçinin qoyduğu ciddi nizam – intizam qaydasını qəbul ediblər. Konkret olaraq komanda da yüksək ruh yüksəkliyi və inam var. Belə olan halda “Səbail”dən çempionatda yaxşı oyunlar,sensasiyalı nəticələr gözləməyə dəyər. Çünki ən əsas məsələ rəhbərlik, baş məşqçi və futbolçular arasında olan bağlılıq və hörmətdir. Bura yüksək səviyyədə anlaşıqlığı da, əlavə etmə olar. Buna uyğun “Qarabağ”ı nümunə göstərmək olar. Hə komanda, həm rəhbərlik, baş məşqçi, futbolçular, bütün camiədə nizam – intizam, qarşılıqlı hörmət, və ruh yüksəkliyi höküm sürür.



Uğurlu nəticələrin başlanğıcı buradan başlayır desək yanılmarıq. Bu günə qədər “Səbal”lə bağlı hələ ki, bunları söyləmək olar. İllərin təcrübəli jurnalisti olarq, “Səbail”lə və baş məşqçi Mahmud Qurbanovla bağlı hələ ki, müsbət fikir söyləyə bilərəm. Əgər belə davam edərsə “Səbail” bizi Premyer - Liqada yaxşı mənada çox təəccübləndirəcək. Bizə də, yalnız Azərbaycanlı baş məşqçi M. Qurbanova və “Səbail” klubuna uğurlar arzu etmək qalır. Azərbaycan Premyer – Liqasında maraqlı, sensasiyalı, gözəl oyunlar izləmək ümüdü ilə...

Əli HƏYATİ