"Kəpəz" klubunun baş məşqçisi Yaşar Vahabzadənin Futbolmedia.Az saytına müsahibəsi.

Yaşar müəllim bildiyimizə görə bu yaxınlarda Gəncədə oldunuz. Artıq Bakıdasınız. Səfərlə bağlı hansı işlər görüldü. Səfərin məqsədi nə idi?

Doğrudur ki, bu yaxınlarda Gəncəyə səfər etdim. İndi Bakıda işimi davam etidirərm. Gəncəyə səfər etməyimdə ilk məqsədlərimizdən biri məşqçilər korpusu ilə Vidadi Rzayevlə görüşümüz oldu. Məşqçilər korpusu ilə bir çox futbolçuların oyunlarını izlədik. Həmçinin legionerlərin oyunlarına baxıb, bir çox məsələləri müzakirə etdik. Bundan başqa müəyyən sənədləri gətirməli idim. Bəzi sənədləri imzalamalı idim. Ümumilikdə hər şey plan üzrə gedir.

Söz – söhbət yayılıb ki, köməkçiniz Vidadi Rzayevlə aranız dəyib. Güya ki, sizə hirslənərək komandadan ayrılıb. Bu doğru məlumatdır. Yoxsa, növbəti şaiədir?

Çox gülməlidir. Mən bilmirəm bu şaiələri hansı mənbələrdən alırlar. Hardan çıxardırlar. Ən gözəl və düzgün mənbə mən və Vidadi Rzayev ola bilər. İkimizə və ya, ikimizdən birinə zəng edib, məsələnin olub-olmadığını öyrənə bilərlər. Yəni kökündən yalnış xəbərdir. Bir neçə iki gün öncə də, Vidadi müəllimlə bir yerdə idik. Bir yerdə çalışırıq. Və Vidadi Rzayevi mən çoxdan tanıyıram. Dostduğumuz var. Yaxşı dost, yaxşı yoldaşıq. Onunla mehriban dostluğumuz var. Vidadi Rzayev də, bu yalan xəbəri oxuyub, çox əsəbləşdi. Məndə dedim ki, əşi boş ver getsin. Həqiqət belə deyil ki,əsəbləşirsən. Şükür hər şey qaydasındadır. Bilirsiniz, lazım olmayan sözləri yazmaq, olmayan şeyləri işıqlandırmaq, aranı qatmaq lazım deyil. Yəni dostluqları pozmağa çalışmaq, aranı qızışdırmaq düzgün şey deyil.

Transferlərlə bağlı məsələ nə yerdə qalıb. Bildiyimizə görə bu gün, uzağı sabah transferləri açıqlayacaqsınız. Yəni rəsmi müqavilələr olacaq?

Açığını deyim ki, çox yazılar oxudum ki, “Kəpəz” klubu çox ləng davranır. Transferlər etmir. Belə götürəndə heç bir klubumuzun səs –səmiri gəlmir. Yəni klubların parta-partla yeni transferlərini görmürük. Deməli hər şey qaydasına salınır. Biz yeni Premyer – Liqaya çıxmış komandayıq. Başımızı aşağı salıb öz işimizi görürük. Bir çox futbolçularla artıq danışmışıq. Tam olaraq razılığa gəlinib. Bircə müqaviləyə qol çəkmək lazımdır. Artıq 5-6 yerli futbolçular var ki, onlarla tam razılıq əldə etmişik. Bundan başqa legionerlərlə bağlı çox ciddi işlər gedir. Legionerlərin menecerləri ilə daimi əlaqədəyik. Demək olar ki, müqavilə bağladığımız futbolçular var. İcarə götürdüyümüz futbolçular da, var. Yaxın 1-2 günə bunları açıqlayacağıq. Əsas yerli futbolçularla bağlı işlərimizi yekunlaşdırmallyıdıq. Bilirsiniz ki, yerli futbolçu qıtlığı da, var. Sonra legionerlərlə bağlı işlərə başlamalı idik. Hər şey plan üzrə gedir. Yaxın günlərdə rəsmi müqavilələr olacaq. Legioner futbolçuların bir çoxunun oyunlarını izləmişik. Məşqçilər korpusu ilə analiz edirik. Elə legionerlər ola biləcək ki, onları biz birbaşa müqaviləyə dəvət edəcəyik. Elələri də, var ki, biz onları baxışa çağıracağıq.

Komandanın toplanışı nə vaxt, ayın neçəsinə planlaşdırılıb?

Toplanışa iyun ayının 20-si Gəncədə başlayacağıq. İlk on günlüyün sonunda yoldaşlıq oyunu keçirməyi düşünürük. Sonra planlarımızda ölkə xaricinə yollanmaq planları da daxil ola bilər. Yəni ola bilər ki, yaxın qonşulardan bir ölkəyə yollanaq. Türkiyə və ya, Gürcüstanda təlim-məşq toplanışını davam etdirə bilərik. Lakin hələ tam dəqiq söz demək olmur. Bununla bağlı müəyyən işlər görülür. Bir sözlə, bizə veriləcək vəsaitdən hər şey aslıdır.

Əli HƏYATİ