Azərabycan futbolnun veteranı, "Səbail" klubunun baş məşqçisi Mahmud Qurbanovun Futbolmedia.Az saytına müsahibəsi.

Mahmud müəllim ilk olarq, yeni işiniz, təyinatınızla, bağlı sizi təbrik edirik. Və işlərinizdə uğurlar arzulayırıq. Siz Azərbaycan futbolunda ən adlı - sanlı, gəlib – keçmiş ən yaxşı futbolçulardan birisiniz. Ləqəbiniz isə professordur. Sualıma gəlincə, “Səbail”dən təklif gələn zaman çoxmu düşündünüz. Yoxsa?

İlk olaraq, ünvanıma xoş sözlər söylədiyiniz üçün, dəyərləndirdiyinizə görə sizə təşəkkür edirəm. Mənə təklif gələn zaman klub rəhbərliyi ilə görüşdüm. Qarşılıqlı fikir mübadiləsindən sonra qərara gəldik ki,”Səbail” klubunun təklifini qəbul edim. Yəni çoxda düşünməyə ehtiyyac olmadı.

Bəs rəhbərlik görüş zamanı büddcənin artırılacağını sizə söylədimi. Bu amil təklifi qəbul etməyinizə də, yəqin ki, çox təkan verdi?

Əlbəttə ki, büdcənin nə qədər olacağı, və digər məsələlər barəsində ətraflı söhbətimiz oldu. Bundan başqa klubun istəkləri də, nəzərə alınır. İstənilən klub üçün yaxşı büdccə mütləqdir. Bizim də, öz şərtlərimiz vardı. Yəni fikir mübadiləsi zamanı ümumi razılığa gəldik. İnşəalla əməkdaşlığımıza start verdik.

“Səbail” rəhbərliyi gələn mövsüm üçün qarşınıza hər – hansı bir məqsəd qoydumu. Məsələn, növbəti mövsüm avrokuboklara vəsiqə qazanmaq kimi bir şərt?

İlk məqsədimiz, yaxşı bir komanda formalaşdırmaqdır. Əlbəttə ki, biz də, istərdik ki, növbəti mövsüm daha yaxşı nəticələr əldə edək. Lakin gələn mövsüm üçün qarşıma avrokuboklara çıxmaq kimi şərt, məqsəd qoyulmayıb. Lakin komandam buna doğru da, addımlayacaq. Yəni işlər yaxşı gedərsə, alınarsa, yaxşı olar.Əsas məqsədimiz ən azından, döyüşkən, yaxşı bir komanda formalaşdırmaqdır. Məqsədimiz, nə qədər irəli gedə bilsək.

Bildiyiniz kimi, “Kəpəz” və “Turan” da Azərbaycan Premyer Liqasına vəsiqə qazandı. Bu klubların Premyer Liqaya vəsiqə qazanması Azərbaycan fuboluna hansı töhvə verə bilər. Yəni inkişafa nə kimi təsir edəcək?

Hər iki klubun Premyer Liqaya çıxması gözəl hadisədir. Belə deyək ki, həm “Kəpəz”, həm də, “Turan” Azərbaycan futbolunun beşiklərindən hesab edilir. Müstəqillik dövründən də, özünə məxsus futbol ən-ənələri var. Düşünürəm ki, futbolumuzun inkişafına xeyri olacaq. Bir çox gənc futbolçular yetişəcək. Bir çox yaxşı futbolçular kəşf ediləcək. Gənc futbolçular əsas heyətdə,Premyer Liqada oynamaq şansı qazanacaq. Yəni çox xeyri olacaq.



Mahmud Qurbanov daha çox gənc futbolulara üstünlük verəcək, yoxsa, təcrübəlilərlə bir sintez yaratmaq fikrindəsiniz?

Hər ikisindən yaxşı bir komanda yaratmaq istərdik. Həm gəclər, həm də, təcrübəlilərin olması mütləqdir.

Adil Nağıyev “Səbail”dən ayrılmışdı. Sonra eşitdik ki, geri qayıdır. Bu doğru məlumatdır?

Hazırda “Səbail”də olan bir çoxusunun xidmətində maraqlıyıq. Adil Nağıyevin də, xidmətində maraqlıyıq. Onunla da, söhbətimiz olub. Artıq Adil ilə müqavilə bağlanılıb. Növbəti mövsüm komandaya kömək edəcək.

Bildiyimizə görə, ölkənin öz mövqeyində ən yaxşı futbolçularından olan Tərlan Quiyev və Tural Axundovun xidmətində maraqlısınız. Onları öz xidmətinizdə görmək istəyirsiniz. Bu doğru məlumatdır?

Birinci növbədə, biz yerli futbolulara üstünlük veririk. Yəni bütün yerli futbolçuları diqqətdə saxlayırıq. Onlarla dərindən maraqlanırıq. Bizə kömək edə biləcək futbolçularla maraqlanırıq. Daha çox gənc futbolçulara üstünlük veririk. Lakin bizə köməyi dəyəcək bütün futbolçulara diqqət yetiririk. Yəni pasportundan aslı olamayaraq. Lakin indi konkret adlar demək istəmirəm. Gələcəkdə baxacağıq. Əgər bu futbolçuların komandaya xeyir verəcəyini düşünürüksə, niyə də, olmasın. Lakin indidən kimlərinsə adlarını çəkmək istəmirəm.

Əli HƏYATİ