" Şamaxı" klubu ilə artıq yollarımız ayrılıb. Yəni bu klubdakı karyeram başa çatdı. İndi futbol karyeramda yeni səhifə, yeni klub, yeni iş yerim olacaq. artıq iki klubla real transfer danışıqları gedir. Hansı klub yaxşı təklif irəli sürəcəksə, onunla da, müqavilə bağlayacam. Çox güman ki, 4-5 günə bununla bağlı son nöqtəni qoyacağıq.

Bu sözləri Futbolmedia.Az saytına açıqlamasında "Şamaxı"nın sabiq futbolçusu Tərlan Quliyev deyib. Futbolçu hazırki durumda klubdan maaşlarının tamamını alınmadğını hələ də, ona klubun borclu olduğunu bildiriərək bunları söylədi.

" "Şamaxı" klubu hələ iki ayın maaşını verməyib. Tək mən deyil, bütün futbolçular bu durumdadır. Hətta legionerlər də, Bakıda qalaraq, maaşlarının verilməsini gözləyir. Bu çox yaxşı hal deyil. Biz axrıncı dəfə mart ayının maaşını almışıq. Hazırda maddi durumum çox pisdir. Hamımızın ailəsi, uşağı, xəstəsi var. Klub rəsmisinə müraciət edirik deyir ki, pulu AFFA köçürmür. Yəni onların köçüməsini gözləyirik. Qardaş İyun ayıdır artıq. Biz bir ay bundan qabaq mart ayının maaşını almışıq. Bütün klublar mən bildiyimə görə, qalan və vidalaşan futbolçuların əmək haqlarını çoxdan ödəyib. Deyəsən elə bizdən başqa bu durumda qalan futbolçular yoxdur.

Əli HƏYATİ