"Qəbələ" klubunun baş məşqçisi Elmar Baxşıyevin Futbolmedia.Az saytına müsahibəsi.

Elmar müəllim “Qəbələ”nin hazırki durumu, az büddcəsi ilə gözəl nəticəyə imza atdınız. Çoxları bunu bəlkə də, gözləmirdi. Çünki, sizin avropa liqası yolunda “Sabah” kimi hər tərəfli güclü rəqibiniz vardı. Bəs siz necə bu nəticəyə ümüdlü idiniz?

Sözsüz ki, futbolda büdcə önəmlidir. Lakin biz komandanı formalaşdıranda nə qədər də, büdcəmizin kasadçılığı olsa da, yaxşı nəticə qazanacağımıza ümüdümüz vardı. İnanırdıq ki, bu heyətlə yaxşı nəticəyə nail ola biləcəyik. Şükürlər olsun ki, məqsədimizə çatdıq. Bundan sonrakı üçün çalışmaq lazımdır.

Çempionatın gərigin dönəmində “Qarabağ”, “Neftçi” kimi komandalarla oyunda qapınızda iki oyuna 9 top gördünüz. Məğlubiyyətlər aldınız. “Şamaxı” komandası ilə evdə heç –heçə etdiniz. “Səbail”ə səfərdə böyük hesanla uduzdunuz. Belə deyək ki,bir ara uğursuz çıxışlarınız oldu. Və bir çoxları düşündü ki, “Qəbələ”nin gücü elə bura qədərmiş. Yəni bir inamsızlıq yaranmışdı. Bəs sizdə necə?

Əlbəttə ki, çətin oyunlarımız oldu. Bir neçə oyunda istəmədiyimiz, tam olaraq gözləmədiyimiz,nəticələrlə üzləşdik. Lakin bu futboldur. Belə hallar qaçılmaz olur. Bu məğlubiyyətlərin baş verməsini, yəni həmin problemlərin kökünü bilirdik. Çünki bizim ehtiyyat skamiyamız elə zəngin və geniş deyildi. Ən əsası isə zədəli futbolçularımız çox idi. Bundan başqa kart limitini aşan futbolçularımız da, çoxluq təşkil etdi. Bütün bunlar nəticəyə təsir edirdi. Lakin həmin dönəmlərdə belə komandama, özümüzə,inamım bir anda belə sarsılmadı. Yəni inanırdım ki, yaxşı nəticə qazanacağıq. Zənnim, inamım, istəyimizi doğrultdu.

Komandanızda dəyişikliyin çox olacağı gözlənilirmi. Həm yerli, həm də, legionerlər baxımından deyirəm?

İlk öncə çalışacağıq ki, komandanın optimal heyətini qoruyub – saxlayaq. Çünki komandamızın kifayyət qədər istedadlı futbolçuları var. Hələ bu hqada tam dəqiq bir söz demək çətindir. Bundan başqa büdcəmiz nəyə imkan verəcəksə, onu edəcəyik. Ancaq dəyişiklik, transferlər mütləqdir. Bundan başqa bizim əsas heyət üzvümüz Urfan Abbasov əməliyyata getdi. Buna görə, çox çətin olacaq. Mütləq onun yerini dolduracaq futbolçuya ehtiyacımız var.

Ümumiyyətlə, göz-altı etdiyiniz legionerlər varmı?

Düzünü deyim ki, bununla bağlı işlərə hələ heç başlamamışıq. Yəni indən sonra bununla bağlı işlərə başlanacaq. Sırf çempionat bitməsini gözləyirik. Bundan sonra hərəkətə keçəcəyik.


Komandanızı tərk edəcək futbolçularınız bir neçəsinin adı hallanır. Məsələn, Murad Musayevin “Sabah”a və ya, “Qarabağ”a keçəcəyini deyirlər. Bu doğru məlumatdır. Yəni “Qəbələ”dən gedəcək. Yoxsa?

Bizim futbolçuların başqa klubların diqqətini çəkməsi normaldır. Yəni çempionat ərzində özlərini yaxşı tərəfdən göstərməyi bacardılar. Ancaq mən inanıram ki, nəinki Murad Musayev, həm də, digər futbolçular bizimlə davam edəcəklər.



Azərbaycan futbolunun ən istedadlı, nəticə verən məşqçilər sırasına siz də qatıldınız. İlk pillədə Qurban Qurbanov durur. Bəlkə də, onun nəticəsi əlçatmazdır. Bu sıralamalarda Samir Abbasov, Aftandil Hacıyev də var. Hər biri klublarını Avropa yarışlarına çıxarmağı bacarıblar. Siz də, Elmar Baxşıyev olaraq bunu bacardınız. Bəlkə də, siz onlardan daha yaxşı nəticələr verə bilərsiniz.Çünki hər bir məşqçinin özünə məxsuz bir istedadı, bir sistem var. Və sizin kimi gənc məşqçilərə üstünlük vermək lazımdır. Azərbaycan futboluna sizin kimi yaxşı, istedadlı,yerli məşqçilər lazımdır.Buna görə sizi təbrik edirəm. Əslində mənim də, bir məşqçi və bir insan olarq hörmət etdiyim şəxslərdənsiniz. Qazandığınız nəticə ilə bağlı nə deyərdiniz?

Qurban hocanı çox düzgün qeyd etdiniz. Qurban Qurbanov biz gənc nəsil üçün örnəkdir. Bizlər də, ona baxıb nələrisə öyrənməyə, götürməyə çalışırıq. Buna baxımdan biz də, bir stimul qazanırıq. Yəni futbolda yaxşı mənada gözəl bir rəqabət yaranır. Bütün bu kimi amillər futbolumuzun inkişafına yalnız müsbət təsir göstərə bilər. Biz gənc nəsil məşqçilər üçün əlavə motivatsiya verir. Əlimdən gələni edəcəmmki, Azərbaycan futbolu adına, “Qəbələ” klubu adına yaxşı nəticələr qazanaq.

“Qəbələ” rəhbərliyi ilə müqaviləniz barədə danışığınız olubmu. Yəni yeni şərtlərlə, yeni müqavilə olacaq?

Belə deyim ki, mən hələ uzun müddət “Qəbələ”də çalışacam. Klub rəhbərliyi ilə aramızda elə gözəl münasibət, dostluq əlaqələri var ki, müddət məsləsi, müqaviləyə, önəm vermirik. Yəni bizi hazırda bu amil düşündürmür. Daha vacib məsələlər haqda fikirləşirik. Yəni gücümüzü, işimizə yönəldirik. Bununla bağlı heç bir narahatçılığım yoxdur.


Əli HƏYATİ