“Zirə” ilə oyunun çətin keçəcəyini bilirdik. İki güclü komanda meydanda əsl mübarizə apardı. Mən deyərdim ki, mübarizə son saniyələrə kimi davam etdi. Hətta son dəqiqədə belə qol vurmağı bacardıq. Kifayyət qədər rel qol imkanlarımız oldu. Rəqib komandanın da, yaxşı şansları oldu. Düşünürəm ki, hansı komanda daha istəkli oldusa, o da, qalib gəldi. Komandamız meydanda sonacan döyüşdü. Beləcə inamlı qələbə ilə növbəti 3 xalı aktivimizə yazdıq.

Bu sözləri Futbolmedia.Az saytına açıqlamasında “Sabah” klubunun gənc qapıçısı Yusif İmanov deyib. Futbolçu əsas heyətdə yer almasından və çıxışı haqda bunları söylədi.

“Artıq bu il Premyer Liqada 3-cü oyundur ki, əsas heyətdə yer alırdım. “Zirə”nin heyətində kifayyət qədər güclü futbolçular var. Əlimdən gələni etdim ki, komandama xeyrim dəysin. Yəni meydanda özümü maksimum sərf etməyə çalışırdım. Çox sağolsun məşqçilər heyəti mənə bu şansı verirlər. Lakin sizə deyim ki, potensialım bundan da, yaxşı oynamağa imkan verir. Daima öz üzərimdə çalışıram. Məşqlərdə daha diqqətli, daha əzimkarlıqla hazırlaşıram. Ən əsası isə komandamızın uğur qzanmasıdır. Buna da, nail olduq.

Əli HƏYATİ