"Səbail" klubunun qapıçısı Hüseynəli Quliyevin Futbolmedia.Az saytına müsahibəsi.

Hüseyin Premyer Liqanın 21-ci turunda səfərdə “Qarabağ”a böyük hesabla məğlub oldunuz. Lakin bir çoxları bu oyunda sensasiya olacağını düşünürdü. matç haqda fikirlərin?

“Qarabağ”la oyuna çox yaxşı və ciddi hazırlaşmışdıq. Fikirləşirdik ki, bu dəfə xal qazansaq, qələbə qazansaydıq komanda”qara zolağ”dan çıxardı. Lkain ilk dəqiqələrdə gələn erkən qol oyunumuzu pozdu. Bundan sonra toparlanmaq çox çətin oldu. Və beləcə də, qolların ardı gəldi. Rəqibin çox güclü komanda olması isə heç kəsə sirr deyil. Heyətində yaxşı futbolçular var. Mən deyərdim ki, erkən gələn qol, bizi şoka saldı.

Bəs belə böyükhesablı məğlubiyyət gözləyirdinizmi?

Biz səfərə məğlub olmağa getməmişdik. Ən pis halda xalla dönməyi planlaşdırmışdıq. Bun görə də, sonacan mübarizə apardıq. Bir qədər də, bəxtimiz gətirmədi. İkinci qolu qapımızda görməsəydik, bəlkə də, ikinci yarıda nəticə başqa cür ola bilərdi. Belə böyük hesabla məğlubiyyət gözləmirdik.

Bir neçə turdu ki, əsas heyətdə yer alırsan. Öz oyununla bağlı nə deyərdin?

Bir neçə turdu komandanın əsas qapıçısı olaraq meydana çıxıram. Bu baş məşqçimiz Aftandil müəllimin mənə göstərdiyi etimaddır. Mən də, çox çalışıram ki, komandama köməklik edim. Futbolda belə oyunlar, belə hesabla məğlubiyyətlər qaçılmaz olur. İnanıram ki, növbəti turlarda daha yaxşı təsir bağışlayacam. Oyun təcrübəm artdıqca, hər şey qaydasına düşəcək.



Karyeranı ölkə xaricində davam etdirmək istərdinmi?

Ölkə xaricində yaxşı klublarda çıxış etmək hər bir futbolçunun arzusudur. Lakin mən hələ bu barədə tam olaraq qərar verməmişəm. Bilirsiniz, təkliflər olarsa, düşünüb qərar vermək olar. Ölkə xaricində oynamaq imkanı olarasa, bir qədər səviyyəli klubda çıxış etmək istərdim.

Əli HƏYATİ