İngiltərə millisinin və “Bavariya”nın hücumçusu Harri Keyn oyununda hansı məqamları təkmilləşdirmək istədiyindən danışıb.

Futbolmedia.az xəbər verir ki,“Qızıl top” mükafatının son sahibi öz oyununda hələ də inkişaf etdirməli olduğu məqamların olduğunu bildirib.

“Əlbəttə! Həmişə təkmilləşdirmək istədiyin nələrsə olur. Bu, karyeramı başa vurmaq qərarına gələcəyim günə qədər belə davam edəcək. Bununla belə, indiyədək heç vaxt özümü bu qədər universal futbolçu hesab etməmişəm. Həm fiziki, həm də psixoloji baxımdan meydana çıxanda imkanlarımın zirvəsində olduğumu hiss edirəm. Oyunu anlamaq, boş zonaları görmək, düzgün mövqe seçmək, müdafiəçiləri üzərimə çəkmək və qol imkanlarından yararlanmaq baxımından hazırda ən yaxşı səviyyədəyəm. Bunu məşqlərdə, xüsusilə də vurduğum qollarda görürəm".

33 yaşlı hücumçu əvvəlki “Qızıl top” qaliblərindən birinin keyfiyyətini özündə görmək istədiyini də gizlətməyib.

“Əgər elə indi Messinin sol ayağına sahib olsaydım, məni dayandırmaq demək olar ki, mümkünsüz olardı”, - deyə Keyn gülümsəyərək əlavə edib.