"Keşlə" klubunun futbolçusu Elçin Mustafayevin Futbolmedia.Az saytına müsahibəsi.

Elçin komandanız Premyer Liqanın 10-cu turunda çempionluğa iddialı “Neftçi”ni məğlub eməyi bacardı. Matç haqqında fikirlərin?

Doğurdan da, çox çətin və ağır oyun oldu. Çempionluğa oynayan, heyətində səviyyəli legionerlər olan bir komandadır. Lakin “Keşlə” həmin oyunda möhtəşəm əzimkarlıq göstərdi. Qələbəyə daha istəkli olduğumuz üçün sonda qalib gəlməyi bacardıq. Belə oyunlarda geri dönüş etmək asan məsələ dyil.

Belə bol qollu oyun və “Neftçi” üzərində qələbəni gözləyirdiniz?

Futbolda hər şey ola bilər. İstənilən komandaya qarşı oynamaq olar. İstənilən komandanı da, məğlub etmək mümkündür. Niyədə olmasın. “Qarabağ”dan xal almağı bacarmışıqsa, niyə də, “Neftçi”dən etməyək. Məğlub edilməz komanda yoxdur.

Bildiyimə görə zədəlisən. Hətta əməliyyat olmusan?

Bəli mən çiynimdən ağır zədə almışdım. Buna görə əməliyyat olmuşam. Bir aya yaxındır ki, yaşıl meydanlardan uzağam. Lakin artıq sağalmışam. Və bir neçə gündür ki, fərdi məşqlərə başlamışam. İnşəallah dekabır ayında komandaya qoşulacam.

Səncə, yenidən əsas heyətdə yer ala biləcəksən. Bilirsən ki, uzun zamandır oynamırsan?

Mən əlimdən gələni edəcəm ki, komandanın əsas heyətində yer tutum. Məşqlərimi davam etdirirəm. Tam formamı topladıqdan sonra gerisi baş məşqçi Sənan Qurbanova qalır. İnanıram ki, yenidən Sənan müəllimin ehtimadını qazanacam.