Urfan “Səbail”lə oyunda çox çətinlik çəkdiniz. Yəni oyunun sonunda vurduğunuz qollarla qalib gəldiniz. Ümumiyyətlə, bu oyunla bağlı nə deyərdin?

Oyunlarda qalib gəlsək də, heyət baxımından çətinlik çəkirik. Elə də, geniş heyətimiz yoxdur. Buna görə, zədələr olan zaman komanda çətinliklə üzləşir. Çünki ehtiyyat skamiyamız geniş deyil. Bundan başqa, stadionun durumu da, ürəkaçan deyil. Yəni futbol oynanılmas üçün yararsızdır.

Ola bilərmi ki, belə vaxtı keçmiş, təhlükəli stadion da oyununuza təsirsiz ötüşmədi. Yəni istənilən futbolçu belə şəraitsiz, təhlükəli stadionda oynamqdan, zədələnməkdən çəkinər. Sən necə düşünürsən?

Stadionun durumunun pis olması, ehtiyyat oyunçularımızın çox az olması da, komandanın oyununa təsirsiz ötüşmədi. Əlbəttə ki, belə stadionda ürəkli futbol oynamaq olmaz. İstənilən futbolçu zədədən qorxur. Hətta əbədi zədə almaq olar. Elə mənim özüm ağır zədələnmişəm. Hazırda da, zədəmi müalicə etdirirəm.

Hansı nahiyyədən zədə almısan. Neçə müddət oyunlardan kənar qalacaqsan?

Bel nahiyyəmdən çox ciddi zədə almışdım. Hazırda da, onun müalicəsi ilə məşğulam. Zədəmin nə qədər çəkəcəyini dəqiq deyə bilmərəm. Hələ oyun gününə qədər 10 gün var. Ola bilər ki, həmin günə qədər zədəmi sağaldım.

Növbəti matçınız “Sumqayıt”a qarşı olacaq. Qarşılaşma haqqında nə deəy bilərsən. Rəqibiniz gözlənilməz nəticələrə imza atan komandadır. Çətin olmayacaq ki?

“Sumqayıt”ın heyətində kifayyət qədər futbolçu var ki, millilərdəoynayır. Gənc futbolçulardan təşkil edilmiş yaxşı komandadır. Çətin oyun olacağını demək olar. Lakin qalib gəlmək üçün əlimizdən gələni edəcəyik. Bu oyundan çox şey aslı olacaq. Bu qarşılaşmadan mütləq üç xalla ayrılmalıyıq. Turnir cədvəlindəki mövqeyimiz, bizi izləyən rəqiblərin durumu buna əsas verir.

“Qəbələ” ilə müqavilənin müddət nə vaxt başa çatır?

Klubla bir illik müqaviləm var. Mövsümün sonuna kimi “Qəbələ”nin futbolçusuyam.

Turnir cədvəlinin sonuncu pillələrində qərarlaşan klubların futbolçuları Milliyə çağrılır. Lakin turnir cədvəlinin 2-ci pilləsində qərarlaşan, bu mövsüm yaxşı oyun sərgiləyən “Qəbələ”nin futbolçulrı çağrılmır. Elə biri sən . Bunun səbəbini nədə görürsən?

Əgər “Qəbələ”nin futbolçularını dəvət etmrsə, bu baş məşqçinin öz fikridir. Yəqin ki, Nəsə bir bildiyi var. Kiminsə, üstünə nəyisə atmaq düzgün olmazdı. Hər bir futbolçunun arzusu millidə oynamaqdır. Mən də, millidə oynamaq istərdim. Milli bizim qürur yerimizdir. Mən məşqçilərin fikirlərinə hörmətlə yanaşıram. Nə vaxt dəvət etsələr canla-başla hazıram.

Əli HƏYATİ