"Səbail" klubunun futbolçusu Cabir Əmirlinin Futbolmedia.Az saytına müsahibəsi.

Cabir Premyer Liqanın 11-ci turunda səfərdə “Zirə” ilə çətin qarşılaşmaya çıxacaqsınız. Bu baş tutacaq oyun haqqında fikirlərin?

“Zirə” ilə oyunun hazırlıqları davam edir. Hər bir komanda üçün meydana qələbə əzmi ilə çıxırıq. Bu oyunda da, çalışacağıq ki, meydanda əlimizdən gələni edək. “Zirə” ilə oyundan yaxşı nəticə qazanmaq üçün tam gücümüzü ortaya qoyacağıq.

“Rəqibin daha çox nəyindən ehtiyyat edirsiniz. Yəni hücumları daha təhlükəli olur. Yoxsa, əks hücumlarından daha ehtiyyatlanmalısınız?

Bütün bunlara baş məşqçinin verdiyi tapşırılardan sonra biləcəyik. Yəqin ki, qısa bir müddətdə rəqibi yaxşıca analiz edəcəyik. Rəqibin üstün və zəif tərəflərini müəyyən edəcəyik. Hansı futbolçuları necə qarşılamaq lazımdır. Bütün bunları yaxın zamanda biləcəyik.

Sən özün bir neçə turdu ki, əsas heyətdən kənar qalmısan. Yəni oyunlara çıxmırsan. Bunun səbəbini nədə görürsən?

“Qarabağ”la oyundan sonra mən yüngül zədə almışdım. Hardasa 3 həftə yaşıl meydanlardan uzaq qalmışdım. Yəni sağalmaq üçün bərpa prosesi keçirdim. Oynamamağımın səbəbi bu idi.

Bəs nə qədəroynamayacaqsan.Yoxs, artıq komandaya qoşulmusan?

Artıq sağalmışam. “Zirə” ilə oyun öncəsi komanda ilə məşqlərə başlamışam. İnanıram ki, “Zirə” ilə oyunda komandanın siyahısında olacam.

“Səbail”lə müqavilənin müddəti nə vaxt bitir?

“Səbail”lə müqaviləmin müddəti mövsümün sonuna qədərdi. Yəni gələn ilin may ayına qədər bu klubun futbolçusuyam.

Qış fasiləsinə yaxınlaşırıq. Hər hansı yerli klubdan təkliflər varmı?

Bu barədə hələ heç bir söz demək olmaz. Düzünü deyim ki, hələ heç bir klubdan təkliflər gəlməyib. Düşünürəm ki, hələ tezdir. Bu barədə hələ ki, bir xəbər yoxdur.

Əli HƏYATİ