"İmişli" klubunun futbolçusu İdris İnqilablının Futbolmedia.az saytına müsahibəsi.

İdris keçən mövsümdən "İmişli" futbol klubunda çıxış edirsən. Bu klubda oynadığın zamandan bəri öz mövqeyində çox yaxşı təsir bağışlayırsan. Yeni mövsümdən yenidən Premyer Liqaya yüksəldin. Ümumiyyətlə, İmişli"nin oyununu necə dəyərləndirirsən?

Bəli. Çox düzgün vurğuladınız ki, mən keçən ildən "İmişli" klubunun şərəfini qoruyuram. Buna görə də, çox sevinirəm. Düşünürəm ki, premyer liqaya yüksəlmək üçün çox əziyyət çəkdik. Bu yüksəlişdə mənim də, payımın az olmadığını düşünürəm. Hər zaman əlimdən gələni etməyə çalışmışam. Şükürlər olsun ki, premyer liqaya yüksəlməyi bacardıq. Hələ ki, pis çıxış etmirik. Düşünürəm ki, yavaş-yavaş komanda daha yaxşı oynayacaq.

Bəs "İmişli" klubunda qalmağının əsas səbəbi nə oldu. Niyə başqa klubların təklifini dəyərləndirmədin?

Düzünü deyim ki, başqa klublardan təkliflər vardı. Lakin "İmişli" klubunun rəhbəri mənim qalmağımı istəyirdi. Onlara kömək etməyimi məndən istədi. Mən də, məmnunluqla klub rəhbərliyinin qal təklifinə müsbət cavab verdim. Beləcə, yeni müqavilə imzaladıq.

İdris yeni baş məşqçi nədənsə səni çox az oynatdı. Sanki sənə heç güvənmir. Axı sənin premyer liqa təcrübən az deyil. Səncə, əcnəbi baş məşqçiniz niyə səni əsas heyətdə meydana buraxmır. Və ya, tam olaraq etimad etmir?

Mən hər zaman "İmiş"li klubunun əsas heyətində oynamışam. Yeni gələn baş məşqçi də, yeni vaxtı oynatmışdı. Sonradan nə baş verdisə, məni əsas heyətdən kənar qoydu. Tam olaraq əsas heyətdə olmasam da, oyunun sonlarına yaxın ara-sıra meydana çıxıram. Lakin heç ruhdan düşmürəm. İnanıram ki, özümü yaxşı tərəfdən göstərə biləcəm. Sadəcə, bir şans lazımdır. Hər halda baş məşqçinin fikrinə hörmətlə yanaşıram. Hər şey ola bilər.

Komandanın oyununu, ümumiyyətlə mövsümün sonunda harda görürsən. Səncə, klubunuz neçənci sırada qərarlaşa biləcək?

Belə davam etsək çox yaxşı nəticələr ola bilər. Çünki istənilən rəqibdən xal almağı bacarırıq. Belə davam edərsə, mövsümün sonunda 6-7-ci yerlərdə qərarlaşa bilərik.