"Yeni komandamda düşünürəm ki, özümü az-çox göstərə bildim. Düzdü, istədiyim kimi lap yaxşı olmadı. Çünki əsas heyətdə çox da, şans ala bilmədim. Lakin ümumi götürəndə komanda şəklində yaxşı nəticə qazandıq. Həm premyer liqada, həm kubokda yaxşı təsir bağışladıq. İnanıram ki, gələn mövsümdə daha yaxşı, daha iddialı olacağıq."

Bu sözləri, Futbolmedia.az saytına açıqlamasında "Turan Tovuz" klubunun futbolçusu Veysəl Rzayev deyib. Futbolçu onun bölgə klubunda qalıb-qalmayacağına da, aydınlıq gətirdi.

" Hazırda "Turan Tovuz"la müqaviləmin müddəti başa çatıb. Hələ ki, rəhbərlikdən təklif gəlməyib. Ola bilər ki, yaxın günlərdə hər şeyə aydınlıq gəldi. Digər təklifləri də, nəzərdən keçirəcəm. Lakin yaxşı təklif olarsa, mənim qalmağımı istəsələr,böyük məmnuniyyətlə razılaşaram.