“Sumqayıt”ın baş məşqçisi Filipe Kandido Misli Premyer Liqasının 8-ci turunda “Araz-Naxçıvan” üzərində qazandıqları 2:1 hesablı qələbəni şərh edib.

Futbolmedia.az xəbər verir ki, portuqaliyalı mütəxəssis komandasının oyunundan razı qaldığını bildirib:

“Bu qələbəyə görə xoşbəxtəm. Futbolçularım buna layiq idilər. Bütün bu müddət ərzində çox çalışmışıq və komandanın oyununda yüksəlişin olacağı gözlənilən idi. Bugünkü oyuna pis başladıq. Bundan razı qalmadım. Rəqib orta xəttə dörd futbolçu buraxmaqla bizi təəccübləndirdi. Bu problemin həllini tapmaq üçün 10 dəqiqə vaxt sərf etdik. Mübarizələrdə asanlıqla uduzurduq. Rəqibin fərdi keyfiyyətləri yüksək olan futbolçuları var. Çox kobud səhvdən sonra qol buraxdıq. Fasilədən sonra dəyişikliklər etdik. Çox yaxşı oynadıq. Çoxsaylı qol imkanlarımız oldu. Bu qədər qol epizodundan sonra qələbəyə layiq idik”.

Baş məşqçi növbəti turda qarşılaşacaqları “Zirə” ilə oyun və rəqibə qarşı uğursuz seriya barədə də danışıb. O, rəqibin oyunlarını izlədiyini, lakin ətraflı təhlilin gələn həftə aparılacağını qeyd edib.

“Bu statistika barədə məlumatım yox idi. Həmin seriyaya son qoymağa çalışacağıq”, – deyə Kandido əlavə edib.