Artıq "Neftçi"də Roman Qriqorçuk dönəmi rəsmən başa çatdı.Çünki dünən klub rəhbərliyi onunla yollarını birdəfəlik ayırdı. Uzun zamandı məğlub olan, qələbə qazana bilməyən baş məşqçi istefaya məhkumdur. Düşünürəm ki, doğru addım oldu. Nə isə "Neftçi"də işlər düz getmirdi. Futbolçular belə həvəssiz oynayırdılar. İndi gələk məsələnin ən vacib tərəfinə. Suallar doğurur ki, "Neftçi"də Qriqorçukun postunu hansı məşqçi tutacaq. Müxtəlif versiyalar və şaiələr var. Bir çoxları Tərlan Əhmədovun gələcəyini və onun gəlişi "Neftçi" üçün daha uğurlu və daha faydalı ola biləcəyini deyirlər. Digərləri Samir Abbasovun yenidən "Neftçi"də çalışmasına, yenidən çempon etməsindən danışır. Hətta Adil Şükürov və Arif Əsədovu da, namizəd görənlər az deyil. Lakin mətbuat, içtimaət, azarkeşlər, idman mütəxəssizləri Tərlan Əhmədovu daha yaxşı namizəd sayırlar. Belə bir atalar sözü var. Gəl əyri oturub, düz danışaq. Hazırki dönəmdə "Neftçi"ni daha yaxşı tanıyan, orada uzun illər oynamış, məşqçi kimi çalışmış, komandanı dəfələrlə ölkə çempionu etmiş, ölkə kubokunu qazanmış və nəhayyət ilk dəfə Azərbaycan futbolunda tarix yazaraq, "Neftçi"ni avroliqanın qrupuna çıxmasında müstəsna rolu olan Tərlan Əhmədov bu postu haqq etmirmi? statistikaya baxsaq, Tərlan Əhmədovun işlədiyi bütün klublarda öz dəsti -xətti olub. Və çalışdığı zamanlarda əla bir kollektiv yaratmağı bacaran mütəxəssizdir. Ən əsası da, işlədiyi klublarda daima yaxşı nəticələr verib. Belə bir statiskikaya, əla nəticələrə malik olan mütəxəssizi kənarda qoyub, əcnəbi və ya, T. Əhmədovdan daha zəif yerli məşqçinin gətirilməsi əbləhlik olardı. "Neftçi" klub rəhbərliyi əgər ürəyi klubla döyünürsə, həqiqətəndə kluba can yandırırsa, uğur qazanmaq istəyirlərsə, vaxt uzatmadan T. Əhmədovla danışıq masasına oturmalıdır. Əks halda gec ola bilər. Onsuz da, "Neftçi" hazırda çuxurun dibinə yuvarlanıb. Bu çuxurdan onları yalnız bu işdə mahir olan, hər zaman ölüm ayağında olan klubların xilaskarı adını qazanmış T. Əhmədov çıxara bilər. Necə ki, bunu AZAL -da "Keşlə"də, "Kəpəz"də etməyi bacardı. Necə ki, bunu "Neftçi"də etməyi bacardı. Hər kəs yaxşı bilirdi ki, həmin dövürdə "Neftçi"nin baş məşqçisi funksiyasını qeyri - rəsmi olsa da, Tərlan Əhmədov yerinə yetirirdi. Komandanı həm yerli çempionatda, həm avrokuboklarda o hazırlayırdı. Çünki həmin zamanlarda Böyükağa Hacıyev də, ağır xəstə idi. İndi "Neftçi"nin gələcəyi, taleyi öz əlindədir. Əlbəttə ki, düzgün qərar verərsə. Düzgün qərar isə Tərlan Əhmədo seçimidir.

Əli HƏYATİ