Azərbaycan premyer liqasının 24-cü turunda "Kəpəz" -"Qəbələ" matçından sonra baş məşqçi istefası müəyyənləşdi. "Qəbələ" klubunun baş məşqçisi Elmar Baxşıyev istefa verdi. Bu istefa gözlənilən idi. Çünki yeni mövsümə uğursuz başlayan "Qəbələ" klubu hazırda sonuncu pillədə qərrlaşıb. Uzun zamandr komandanı toparlaya bilməyən, oyunları alınmayan Elmar Baxşıyev çıxış yolunu bunda gördü. Düşünürəm ki, bu istefa bir qədər gecikib. Klub rəhbərliyi bir qədər gec tərpəndi. Hazırda 15 xalı olan "Qəbələ" 23 xalla ondan bir pillə irəlidə olan "Kəpəz"dən 8 xal geridə qalır. Əgər "Qəbələ" rəhbərliyi təcili hərəkətə keçib, yeni yaxşı baş məşqçi gətirməsə, klub mövsümün sonu elitanı tərk edə bilər. Klub rəhbərliyi üçün hazırda ən yaxşı, idial məşqçi isə Azərbaycan məşqçiləri arasında ən yaxşı və təcrübəli, nəticə vermiş Tərlan Əhmədovdur. Tərlan Əhmədov hələ "Neftçi"də işləyən, klubu avroliqanın qrup mərhələsinə çıxıaran ilk məşqçi olub. Azərbaycan çempionu, ölkə kubokunun qalibi və sair nəticələrini saymaq olar.

Hətta AZAL kimi büdcəsi kəskin azaldılan, çarəsiz durumda olan klubu Tərlan Əhmədov yuxarı pilləyə qaldırdı. Elitada saxlamağı bacardı. Lap yaxın keçmiş olaraq "Kəpəz"də xarüqələr yaratdığını söyləmək olar. "Kəpəz" premyer liqaya vəsiqə qazandıqdan sonra Yaşar Vahabzadənin rəhbərliyi altında bütün oyunları məğlub olmuşdu. Tərlan Əhəmədovun gəlişindən sonra isə "Kəpəz" digər klublar üçün qapazaltı olmaqdan qurtuldu. Maliyə durumu pis vəziyyətdə olan, öz stadionunda oynaya bilməyən, borç və çətinliklər içində itib-batan "Kəpəz"i Təlan Əhmədov öz məşqçi təcrübəsiylə premyer liqada saxlamağı bacardı. "Qəbələ" klubunun rəhbəri Fariz Nəcəfov yəqin ki, hazırki durumun necə olduğunu, klubu hansı çətinliklər gözlədiyini, premyer liqanı tərk etmək təhlükəsinin olduğunu yaxşı başa düşür. Məhz bu üzdən Fariz Nəcəfov vaxt itirmədən Tərlan Əhmədovu kluba baş məşqçi gətirməlidir. Əgər ləngimədən tez hərəkətə keçə keçərlərsə, "Qəbələ"ni xilas etmək olar. Bu xal fərqini ancaq bu işlərdə böyük təcrübəsi olan, klubları çətin durumdan qurtarmağı bacaran, Tərlan Əhmədov edə bilər. İşlədiyi bütün klublarda nəticə verməyi bacaran məşqçi düşünürəm ki, bu işin öhtəsindən gələ biləcək. Bir sözlə, "Qəbələ"ni xilaskarı Tərlan Əhmədov ola bilər.

Əli HƏYATİ