Premyer Liqanın 7-ci turu çox maraqlı oyunlar izlədik. Bu maraqlı oyunlardan biri də, hazırda autsayderləq sırasında yerləşən “Kəpəz” – “Şamaxı” qarşılaşması oldu. Bir çoxları bu oyuna Gəncələilərin geri dönüş etməsi kimi baxırdı. Bir çoxları isə yenə “Kəəz”in məğlub olacağını düşünürdü. Lakin futbolda və meydanda hər zman maraqlı oyunlar və nəticələr olub. Bu gün də, futbol adına daha bir maraqlı oyun və nəticə gördük. Əslində, mən bu oyunda “Kəpəz”in qalibiyyətini gözləyirdim. Ən azından xala alacağını. Çünki onun yeni baş məşqçisi uzun illər tanıdığım, futbol fəlsəfəsinə, təcrübəsinə və qazandığı nəticələrə bələd olduğum Tərlan Əhmədov idi. İlk yarıfa “Kəpəz” məğlub duruma düşdü. Məhz içimdə bir balaca inamsızlıq sızıldadı. Lakin bütövlüklə ikinci yarıda nə isə geri dönüş olacağına inanırdım. Elə də, oldu. Fasilə zamanı T. Əhmədov futbolçularına nə dedisə, hansı taktiki gedişatı göstəriş verdisə, ikinci yarı tam başqa bir “Kəpəz” izlədik. İkinci yarı başlayar – başlamaz Gəncə təmsilçisi hesabı bərabərləşdirdi. Çox keçmədi ikinci qələbə qolunu da, vurdular. Hətta bir neçə əlavə real qol imkanları da, oldu. Hə gələk məsələnin digər tərəfinə. Bu qələbəni Tərlan Əhmədova görə gözləmək olardı. Bu mütəxəssiz Azərbaycanda ən yaxşı nəticə verən ikinci məşqçiir. Hələ “Qarabağ”ın Avropa yarışlarında uğuru yox idi.

Tərlan Əhmədov “Neftçi”də tarix yazmışdı. İlk dəfə Azərbaycan klubu “Neftçi”nin Avroliqanın qrup mərhələsinə daşıyan məşqçi oldu. Bu həmin dövür üçün fantastik nəticə idi. Bundan başqa, AZAL klubunda da, gözlənilməz və möhtəşəm nəticəyə imza atmışdı. Uzun zaman məğlubiyyətsiz seriya ilə təəcübləndirmişdi. Bu məşqçinin futbol fəlsəfəsini, futbola baxışını, nizam –intizamını çox yüksək dəyərləndirərdim. Bundan başqa, Tərlan Əhmədovun insani keyfiyyətləri də, çox gözlədir. “Kəpəz”ə gələn mütəxəssiz təkcə nizam-intizamı, təcrübəsi ilə deyil, həmçinin insani keyfiyyətləri ilə də, futbolçuların qəlbini qazanmağı bacardı. Bu istənilən idman növündə vacibdir. “Şamaxı” üzərində qələbə ilə Gəncə azarkeşlərinin artıq sevgisini qazandı. Sevgisi ilə yanaşı, inamını da, qaytardığını söyləmək olar. Stadionda azarkeşlərin Tərlan, Tərlan, sədaları da, buna işarədir. Gəncə təmsilçisinin rəhbərliyi bu mütəxəssizdən bərk tutmalı, məşqçinin istədiyi transferləri etməlidir. Uzun zamandı işsiz qalan mütəxəssizin yenidən futbola qayıdışına bir ad verərdim. Qaranlıqdan çıxan yaralı Aslan Tərlan Əhmədov şikarına axtarır. Düşünürəm ki, bundan sonra Tərlan Əhmədovun komandası “Kəpəz” hələ çox klublara baş ağrısı olacaq. Azərbaycanlı mütəxəssiz döyüşkən bir komanda formalaşdıracaq. Biz də, bu yolda Tərlan müəllimə uğurlar arzulayırıq. Onun və digər Azərbaycanlı mütəxəssizlərin uğuru, futbolumuzun uğrudur.

Əli HƏYATİ