“Yuventus”un yarımmüdafiəçisi Ten Kopmeyners karyerasını İngiltərə Premyer Liqasında davam etdirə bilər.

Futbolmedia.az xarici KİV-ə istinadən xəbər verir ki, 28 yaşlı futbolçu ilə “Everton” maraqlanır. Liverpul təmsilçisi Kopmeynersi yanvar transfer pəncərəsində heyətinə qatmaq istəyir. “Nyukasl” və “Qalatasaray”ın da Niderland millisinin üzvünün xidmətində maraqlı olduğu bildirilir.

Kopmeynersin Turin klubundan kifayət qədər oyun praktikası qazana bilmədiyi üçün ayrılma variantını nəzərdən keçirdiyi qeyd olunur. Yarımmüdafiəçinin bazar dəyəri 14 milyon avro qiymətləndirilir. Onun “Yuventus”la müqaviləsinin müddəti 2029-cu ilin iyununun sonuna qədərdir.