Azərbaycan premyer liqasında keçən ilin 2022-ci ilin ən yaxşı məşqçisi kimi namizədlərin siyahısını tərtib etdikdə bir çox maraqlı faktlarla üzləşirik. Fasiləyə qədər bir çox klublarda baş məşqçi dəyişiklikləri baş tutdu. Azərbaycanın iki bölgə klubu premyer liqaya vəsiqə qazandı. “Turan Tovuz” və “Kəpəz” klubları yüksək liqada mübarizə aparmağa başladılar. Gəncə təmsilçisi “Kəpəz”də dörd turdan sonra baş məşqçi istefası baş tutdu. Yaşar Vahabzadə keçirdiyi dörd turda bir qələbə belə qazana bilmədi. Beləcə tutduğu postdan istefa verdi. Onun yerinə kifayyət qədər Premyer Liqa təcrübəsi olan, futbol aləmində yaxşı nəticələr qazanan Tərlan Əhmədov tutdu. “Səbail”in baş məşqçisi Mahmud Qurbanovun da, istefası baş tutdu. Onu Şahin Diniyev əvəz etdi. Lakin bizim məqsədimiz fasiləyə qədər klubların ən yaxşı nəticə verən, prespektiv vəd edən, özünü yaxşı tərəfdən göstərməyi bacaran mütəxəssizləri aşkara çıxarmaqdı. İlk sırada “Qarabağ”ın baş məşqçisi Qurban Qurbanov durur. Onsuz da, Qurban Qurbanov illərdi bu liderliyi saxlayır. Hər il tarixi nəticələr qazanır. İkinci pillədə isə “Kəpəz”i sonradan götürmüş Tərlan Əhmədov tutur. O, həmin “Kəpəz”dir ki, yoxsul, heçnəyi olmayan, uzun müddət öz satdionunda oynaya bilməyən klubdur. Nə güclü maliyyəsi, nədə ki, digər texniki imkanları olmayan, şəxsi avtobusu belə olmayan klub. Bundan başqa Gəncə klubu daxilində qarşıqlıq olan, fitnə -fəsadla, qalmaqalla, torba tikməkdə liderlik edən bir klub idi. Heç bir məşqçi bu bataqlığa gəlmək istəmirdi. Tərlan Əhmədovdan qabaq Şahin Diniyevə bu post təklif edilmişdi. Lakin Şahin Diniyev qəti yox deyib. Bəllidir ki, çox çəkinib. Bilirdi ki, belə bir yerdə çətin baş çıxarda. Əlbəttə ki, Tərlan Əhmədovun gəlişi çox şeyi dəyişdi. Klub daxilində baş verən çaxnaşmaları, nizam –intizamı, bir –birinə torba tikmək kimi iyrənciliklərlə mübarizə aparmağa başladı. Necə deyələr, Mehman Allahverdiyevin başçılığı ilə şeytanın şərri ilə mübarizə apardı. Mən deyərdim ki, elə indi də, bu şər qüvvələrlə Allaha sığınaraq mübarizə aparır. Hansı ki, həmin şər qüvvələr güya “Kəpəz”i düşünüb, yaxşılığını istəyir. Lakin etdikləri iyrənc və şərəfsiz əməlləri klubu dağıtmaq, ucuruma sürükləyir. Bütün mətbuat onların çirkin əməllərini, “Kəpəz”in uğurlarını, Tərlan Əhmədovun uğurlarını necə gözləri götürmədiyini bütün mətbuat gördü.

Mehman Allahverdiyevin klubun sabiq futbolçusu Əfran İsmayılovun baş məşqçisi Tərlan Əhmədova iftira atan müsahibəsini votsapla qrupunda bütün iş birliklərinə göndərmişdi. T. Əhmədova qarşı təxribat yaratması üçün dəridən –qabıqdan çıxan “qoca tülkü” ləqəbli M. Allahverdiyev bütün Azərbaycana, mətbuata, azarkeşlərə, futbol adamlarına özünü biabır etdi. Haşiyədən kanara çıxmaqda məqsədimiz Gəncə klubunda fəaliyyət göstərən mafiyanın əməllərini ifşa etməkdir. Gələk əsas məsləyə. Tərlan Əhmədov həmkarı Qurban Qurbanovdan sonra ən yaxşı məşqçi kimi ikinci pilləni haqq edir. Buna tutarlı səbəblər var. Məslən, demək olardı ki, ikinci pillədə gedən “Sabah”ın baş məşqçisi Murad Musayev niyə yox? Ona görə ki, Musayev elə bir kluba gəlib ki, pula-pul demir. Hər şeyin hazırına gəlib. İstədiyi bahalı və səviyyəli legionerləri transfer etdirə bilir. Ondan da, qabaq heyətində Mikels və sair kimi güclü legionerlər vardı. Bu klubun hər bir imkanı var. Lakin neçə ildir ki, nə çempion ola bilir, nədə ki, Avrokuboka vəsiqə qazana bilir. Bu sıralama “Neftçi”ni qatmaq olar. Lakin Tərlan Əhmədov elə bir kluba gəlib ki, kimsəsiz, yetim bir uşağı xatırladır. Gəncə klubunun heç həkim persanalı düz-əməlli yoxdur. Bunu qoyaq bir qırağa. Yazıq Tərlan Əhmədov dəfələrlə mətbuata açıqlamasında “Kəpəz”in heyətindəki legionerlərlə ünsiyyət qurmaq, ona oyun taktikasını başa salmaq üçün heç tərcüməçisinin olmadığını dönə -dönə dilə gətirib. Bu klubun şəxsi demək olar ki, heçnəyi yoxdur. Çox acınacaqlı durumdur. İndi başa düşülür ki, vəziyyət necə gərgindir. İndi gəl belə kəskin əskikləri olan klubla qələblər qazan. Mən əminliklə deyərdim ki, heç Qurban Qurbnov da, öz təcrübəsi, uğurları ilə “Kəpəz”də belə uğur qazana bilməzdi. Necə ki, bunu Tərlan Əhmədov etməkdə davam edir. Görün Tərlan Əhmədov klubun başına gələndən sonra “Kəpəz” nə qədər qələbə qazanıb. Neçə qələbəyə bərabər heç –heçələr edib. Təsəffür edirsiniz ki, məhlə komandası səviyyəsində olan “Kəpəz”i indi hətta “Qarabağ”ın, “Zirə”nin, “Qəbələ”nin belə çəkindiyi kluba çevirib. Fasiləyə yollanmazdan öncə ilin son oyununda “Zirə”yə üç qol vurub qalib gələn Tərlan Əhmədovun qələbəsini göz görə -görə hakimlər aldı. Əlbəttə ki, bu tək hakimlərin işi deyil. Bəllidir ki, yuxarı yerlərdən də, sifariş ola bilər. Belə tip haqsızlıqlar “Kəpəz” və Tərlan Əhmədovun başına həm Premyer Liqa oyunlarında, həm də, ki, Turan Tovuz”la ölkə kubokunda başına gətirilməyən haqsızlıqlar qalmadı. Bu bir rəzalətdir. Bütün bunları nəzərə alsaq, Tərlan Əhmədovu keçən ilin ən bacarıqlı,ən dözümlü, ən mübariz,yaxşı məşqçilərdən biri hesab etmək olar. Fasilədən sonra evdə “Qəbələ” ilə oyuna çoxlu itkilərlə çıxan mütəxəssiz qələbəyə bərabər heç –heçə etdi. (2:2). Heç 10 milyon büdccəsi olan “Səbail”, “Sumqayıt”, “Turan Tovuz” bir xal belə qazana bilmədi. Əksinə hamısı məğlub oldular. Sonda bir jurnalist olaraq bunu deyə bilərəm ki, Tərlan Əhmədov kimi dürüst, Allahdan qorxan, xeyir əməllərindən qalmayan, qazilərimizin, şəhid ailələrinin və haqqın yanında olan bacarıqlı məşqçilərimizin qədrini bilək. Belə mütəxəssiz və insanlara dəstək verməliyik. Nə əcnəbilərdən, nədə ki, futbola zərbə vuranlardan bizlərə xeyir gəlməz. Var gücümüzlə T. Əhmədov kimi güclü, ağıllı, işini bilən, bacaran məşqçiləri irəli çəkək. Birlik nümaiş etdirək. Bəlkə onda Azərbaycan futbolunda, uşaq futbolunda, Milli komandamızın oyunlarında,irəliləyiş və uğurlar olar.

Əli HƏYATİ