Azərbaycanın ən böyük trixi keçmişi olan "Neftçi" klubunun işləri yenə düyünə düşüb. Klub heç cürə özünə yeni baş məşqçi tapa bilmir. Təsəffür edin ki, artıq bu ən-ənnə neçə illərdi davam edir. Rumıniyalı mütəxəssiz Regeqamfı göndərdikdən sonra məşqçi qalmadı ki, ona təklif göndərməsin. Daha çox qumar oyunları və Azərbaycana qərəzli,alçaldıcı sözlər atması ilə yadda qalan Sərgən Yalçına təklif göndərdi. Yalçın Bakıya gəlib "Neftçi" rəhbərliyini uşaq yerinə, avam yerinə qoydu. Belə ki, Sərgən Yalçın SOCCAR rəhbəri Röşən Nəcəfdən 4 milyon dollar istədi. İki milyon dolları təkcə özünə, qalan 2 milyonu isə köməkçi və digər heyətinə. Ağlında ancaq pulu, gəldiyi yeri tarı mar etməyi düşünən Türk mütəxəssizlə işlər alınmadı. Sonra Hikmət Karamana təklif göndərdi. O, da, "Neftçi" rəhbərliyinə elə bir rəqəm dedi ki, onunla da, müqavilə alınmadı. Hətta gürcüstanlı Şota Arveladzenin də, adı "Neftçi" ilə hallanmağa başladı. Hələ ki, heç bir nəticə yoxdur. Bütün bunları müşaiət edərək bir söz deyə bilərəm. Allah "Neftçi" rəhbərliyinə zirəklik versin. Evinin içində Tərlan Əhmədov kimi güclü, bacarıqlı, getdiyi yerdə hər zaman nəticə verən, avrokuboklar təcrübəsi olan bir məşqçini qoyub, gedib Sərgən Yalçın kimi qumarbaz, əyyaş birini milyonlar xərcləyərək gətirmək istəyir. Ay sənin ağlına qurban olsunlar. Klublar artıq transferlərini edib, təlim-məşq toplanışına yola düşüblər. "Neftçi" və rəhbərliyi siz nəyi gözləyirsiniz. Niyə Tərlan Əhmədov kimi mütəxəssizi evin içində qoyub, gedib kənardan qara qutu kimi açılmayan bir məşqçiyə təklif göndərirsiniz. Reqeqampfı gətirib milyon xərclədiniz nə oldu? hansı uğuru qazana bildiniz. Gətirəcəyiniz xarici mütəxəssiz hələ Azərbaycan futbolunun içini-çölünü öyrənənə kimi aylar keçə bilər. Nəticə verməyi hələ demirəm. Tərlan Əhmədov "Neftçi"də də, işləyib. Necə lazımdırsa nəticə verib. Yerli mütəxəssizi, sizə faydalı ola biləcək bir məşqçini evdə qoyub, çöldə problem niyə axtarırsınız. Burada yalnız bir məqsəd var. Milyonlarla dolların arxasından keçmək. "Neftçi"nin rəhbəri Rəşad Nəcəfə deyən lazımdır axı gələndən əcnəbilərlə heç bir nəticə vermədin. Axı siz Rəşad bəy Azərbaycan oğlusunuz. Tərlan Əhmədovu da, az -çox yaxşı tanıyırsınız. Niyə öz millətinizin bacarıqlı mütəxəssizinə güvənmirsiniz. Tərlan Əhməov dilənçi günündə olan "Kəpəz"də heç kiminin bəlkə də, gözləmədiyi nəticəni verdi. "Neftçi" kimi yüksək büdccəsi olan, hər şəraiti olan bir klubda daha yaxşısını bacara bilər. Buradan "Neftçi" rəhbərliyinə bir məsləhət verərdim. Nə qədər güc deyil, Tərlan Əhmədovla baş məşqçi kimi müqavilə imzalayın. Bundan ancaq xeyir görə bilərsiniz. Onsuz da, vaxtınız qalmayıb.

Əli HƏYATİ