Azərbaycan premyer liqasında daha bir mövsümün sonuna yaxınlaşırıq. Bu mövsüm əvvəlkilərindən daha çətin, daha maraqlı, daha gərgin keçdiyini söyləmək olar. Çempionatın belə gərgin və maraqlı keçməsinin səbəblərindən biri də, 1-2 klubun gözləniləndən də, yaxşı oyun sərgiləməsi oldu. Bu klub Şahin Diniyevin “Səbail”dir. Bəli. Bu mövsüm Diniyevin komandası çox klubların canını acıtdı. Güclü rəqiblərini məğlubiyyətlərə uğratdı. Hətta turnir cədvəlinin birinci pilləsinə qədər yüksəlməyi bacardı. Şahin Diniyev qısa bir zamanda çox möhtəşəm, döyüşkən, əzimkar, psixoloji baxımdan dözümlü bir əsgərlər formalaşdırdı. Çox təəssüflər olsun ki, müəyyən qüvvələr “Səbail”in avrokuboklara vəsiqə qazanmasına imkan vermədi. Necə ki, biz bunu “Kəpəz”lə oyunda da, gördük. Açıq –aşkar bu klubun qarşısında sədd oldu hakimlər. Müəyyən qüvvələr vardı ki, bir oyundan bir, “Səbail”in penaltilərini vermir, hakimlər həddindən artıq Şahin Diniyevin futbolçularına qarşı aqresiya göstərirdi. Həddindən artıq vərəqələr göstərilir. Bütün bunlar da, nəticəyə zaman –zaman öz təsirini göstərdi. Elə uzağa getməyək, 34-cü turda “Sumqayıt”la oyunda “Səbail”in halal penaltisini yenə vermədilər. Penalı versəydilər, həmin gün Bakı klubu meydandan məğlub ayrılmayacaqdı. Hətta qələbəyə layiq oyun nümaiş etdirdilər. Meydan sahiblərindən daha yaxşı oynadılar. “Səbail” rəhbərliyi, prezidenti, əgər uğurlu və parlaq gələcəyi olan komanda istəyirlərsə, Şahin Diniyevdən iki əlləri ilə bərk-bərk tutmalıdırlar. Gəlin əyri oturaq, düz danışaq. Hazırki “Səbail” cəmi 7-8 ayın komandasıdır. Hansı məşqçi bu qısa zamanda belə gözəl oyun sərgiləyən, çoxlu qol vurmağı bacaran, liderləri məğlub etməyi adət halına almış komanda qurub? “Səbail” klubu “Qarabağ”ı, “Sabah”ı, “Neftçi”ni bütün güclü rəqiblərini məğlub etməyi, xal almağı bacarıb. Daha bu qısa zamanda Şahin Diniyev nə etməlidir? Müəyyən qüvvələr, ədalətsiz, qərəzli, hakimlər imkan versəydilər, haqlarını yeməsəydilər, indi “Səbail” avrokuboklara vəsiqə qazanardı. Lakin “Səbail” rəhbərliyi və klubu üçün hələ heçnə gec deyil. Klub rəhbərliyi birinci növbədə, heç mövsümün sonunu gözləmədən dərhal Şahin Diniyevlə müqaviləni arıtrmalıdır. Bu addım klubun parlaq gələcəyi ilə bağlı ilk lazımlı addım olacaq. Özünüz fikirləşin ki, hazırki dönəmdə “Səbail”i çalışdıracaq Şahin Diniyevdən daha güclü məşqçi kim var? Heç kim yoxdur. Buna görə də, təcili müqavilə artırılmalı, gələcək planlar indidən qurulmalıdır. Etibarlı mənbədən aldığım məlumata görə, hətta Qurban Qurbanov da, Digər oyunlardan fərqli olaraq, “Səbail”lə oyunlarda çox həyacanlı olurdu. Daha dəqiq desək, “Səbail”dən, oyun stilindən, Şahin Diniyevdən çəkinirdi. Ətrafına da, bildirmişdi ki, “Səbail”in fərqli oyun sistemi, geri dönüşü, qol vurmaq bacarığı, onu narahat edir. Bax budur Şahin Diniyev məktəbi. Şahin Diiniyev ona görə güclü məşqçilərdəndir ki, həm Sovetlər dönəminin futbol fəlsəfəsini, həm də,müasir futbolu çox yaxşı bilir. Müasir futbolu daima analiz edən, öz üzərində çalışan, yeniliklər axtaran mütəxəssizdir. Məndə olan məlumata görə, Şahin Diniyevi komandasına görmək istəyən bir neçə klub var. “Araz Naxçıvan”, “Neftçi” belə onu komandasında görmək istəyir. “Neftçi” rəhbərliyi mövsümün sonunda Miodraq Bojoviçi göndərəcəyi deyilir. “Araz Naxçıvan”da bilirsiniz ki, Elmar Baxşıyevlə ( 2 ay +1 il) müqaviləsi bağlayıblar. Elmar Baxşıyev də, gözlənilənləri vermir. Çox güman ki, mövsümün sonunu gözləyirlər. Əgər “Səbail” rəhbərliyi Şahin Diniyevlə davam etməsələr, çox güman ki, növbəti mövsümdə bu iki klubdan birində çalışacaq. Məhz ona görə deyirdim ki, “Səbail” klub rəhbərliyi daha çevik tərpənməlidirlər. Yoxsa, mütəxəssizi əllərindən qaçıracaqlar. Sonda onu da, deyim ki, bu mövsümün daha maraqlı, gərgin, bol qollu, iddialı keçməsində, Şahin Diniyev və “Səbail”lə təşəkkür düşür. Şəxsən mən bir tənqidçi jurnalist, futbol eksperti olaraq, Şahin Diniyəvə bu gözəl mübarizəyə rəng qatdığı üçün təşəkkür edirəm. Azərbaycan futbolunun yaşaması, inkişafı Şahin Diniyev kimi mütəxəssizlərə qiymət, dəyər verməyimizdən keçir. Sonda bir söz demək istərdim. BRAVO ŞAHİN DİNİYEV.

Əli HƏYATİ