Dünən Misli Premyer Liqasında 31-ci tura yekun vurulub. “Araz-Naxçıvan” öz meydanında “Səbail”i qəbul edərək məğlub oldu. Əvvəlcədən də, gözlənilirdi ki, bu oyun çox gərgin keçəcək. Çünki hər iki komanda üçün xal qazanmaq vacib idi. "Səbail" avrokuboklara vəsiqə qazanmaq, mükəfatçılar sırasına düşmək üçün var gəl edəcəkdi. "Araz Naxçıvan" isə yeni baş məşqçisi Elmar Baxşıyevin gəlişindən sonra heç olmasa bir qələbə qazanmalı idi. Bir sözlə, meydanda 3 xal üçün möhtəşəm bir savaş izlədik. Şahin Diniyevin təcrübəsi, futbol biliyi, futbolçulara verdiyi psixoloji motivatsiya qalib gəldi. Keçən turda "Kəpəz"lə oyunda "Səbail" klubu və Şahin Diniyevin bütün əziyyəti, zəhməti, qazandığı halal qələbə hakimlər tərəfindən bilərəkdən puç edilmişdi. Lakin həmin oyundan sonra mətbuatda hakimlər çox sərt tənqid edildi. Hakimlərin bilərəkdən "Səbail"i uduzdurduqları, sifarişlə etdikləri kimi çoxlu sayda mətbuatda yazılar və tənqidlər getdi. Hətta hakimlərin ünvanına sosial şəbəkələrdə təhqirlər belə yazılırdı. Əlbəttə ki, mətbuatın hakimləri haqlı olaraq tənqid etməsindən, onların əməllərini ifşa edilməsindən sonra hər kəs hər şeyi gördü. Elə buna görə, "Araz Naxçıvan"la oyunda hakimlər "Səbail"in əleyhinə haqsız qərarlar qəbul edə bilmədilər. Çünki bütün mətbuatın, içtimaətin, insanların diqqətləri hakimlərin üzərində idi. Yəni ki, hakimlər bu dəfə "Səbail"ə hansı haqsızlığı, şərəfszliyi edəcəklər? Matçın 32 -ci dəqiqəsində "Səbail"in leyhinə penalti qərarı verildi. Və hakimlər də, digər oyunlarda, digər klublrda etdikləri hoqqaları bu dəfə edə bilmədilər. Başqa vaxtı olsaydı, belə sərt tənqid edilməsəydilər, hakimlərin "Kəpəz"lə oyundakı hoqqaları ifşa olmasaydı, yenə hoqqa verib, qələtlər edəcəkdilər. Yalandan VAR-a baxıb, əksinə qərarlar verəcəkdilər. Dəfələrlə bunun şahidi olmuşuq. "Səbail"in də, haqqı dəfələrlə yeyilib. Məhz buna görə mətbuat daim bu kimi halları diqqətdə saxlamalı, hakimləri səhvlərinə, qərəzlərinə görə tənqid etməlidir. Əgər hakimlər və müəyyən qüvvələr tərəfindən "Səbail"lə qarşı alçaqlıq, şərəfsizlik, torba tikmək əməliyyatı olmazsa,Şahin hoca bunu bacaracaq. Gələk Şahin Diniyev və onun ordusunun matçda göstərdiyi performansa. Öncədən deyim ki, ölkədə güclü psxoloji durumu yüksək olan, məğlub olsa belə nizam -intizamı heç zaman pozulmayan, əksinə geri dönüş etməyi bacaran komanda Şahin Diniyevin "Səbail"dir. Oyun planı, nizam -intizam möhtəşəmdir. Azərbaycanlı mütəxəssiz komandasına futbol üçün nə lazmdırsa, öyrətməyi bacarıb.

Bu gün komanda çempionatın ən yaxşı oyun sərgiləyən, istənilən vəziyyətdə, istənilən rəqibi məğlub etməyi bacaran komandaya çevrilib. Turnir cədvəlindəki vəziyyətə baxın. Hesabında 42 xalı olan "Səbail" 2 ardı -arda qələbə qazanıb ən azı 3-cü pilləyə qalxa bilər. Bu amil isə çox şeydən xəbər verir. Yəni mövsümün sonuna qədər Avrokubok şansları qalır. Çətin olsa belə şans az deyil. İki turdu ki, "Səbail" məğlub olmur. Bu komanda uzun zaman məğlub edilməz seriya yaxalamağı bacarandır. Düşünürəm ki, bu dəfə də, "Səbail" mövsümün sonuna qədər məğlub olmayacaq. Qarşıdakı 5 turda bunu etməyə bacaran klubdur. Buradan bir söz demək istəyirəm ki, Şahin Diniyevi Avrokubok və mükəfatçılar mübarizəsindən silmək olmaz. Azərbaycanlı mütəxəssiz mövsümün sonuna kimi bizləri yaxşı mənada hələ çox təəccübləndirəcək. Yenə də, deyirəm ki, çətin olsa da, "Səbail"in avrokuboklara vəsiqə qazanacağına inanıram. Əgər hakimlər və müəyyən qüvvələr tərəfindən "Səbail"lə qarşı alçaqlıq, şərəfsizlik, torba tikmək əməliyyatı olmazsa,Şahin hoca bunu bacaracaq.

Əli HƏYATİ