2023-cü ilin son akordlarını yaşayırıq. İlin sonuna iki tur qalmış Azərbaycan premyer liqasında çox suallara aydınlıq gələcəkdi. Hansı klubların qış fasiləsinə neçənci pilləsində yollanacağı sual doğururdu. Bu gün Azərbaycanda iki ən güclü məşqçidən biri hesab edilən Şahin Diniyev və onun "Səbail"i evdə Elmar Baxşıyev və "Qəbələ"ni darmadağın etdi. Həm ilk yarıda, həm də, ikinci hissədə əla performans göstərən Şahin Diniyevin yetirmələri, rəqiblərinə heç bir şans vermədilər. Bu qələbə və bu gözəl oyun bir çoxlarının qara yaxma konpaniyasına əla və tutarlı bir cavab oldu. Keçən turda "Sabah"a məğlub olan "Səbail"i və Şahin hocanı tənqid edənlər yəqin ki, indi utanc hissi keçirir. İstənilən güclü klub məğlubiyyətdən sığortalanmayıb. Bunu bilmək üçün alim olmağa ehtiyyac yoxdur. Lakin "Səbail"in möhtəşəm oyununu, Şahin Diniyevin güclü məşqçi olduğunu, gördüyü əla işləri görməmək isə kor adamlara xas olar. "Səbail" evdə "Qəbələ"ni məğlub edərək, hazırda turnir cədvəlinin 3-cü pilləsini zəbt etdi. Gələn turda da, xal qazanacağı təqdirdə ən azı mövqeyini qoruyacaq "Səbail" qış fasiləsinə uğurla yollanacağını söyləmək olar. Şahin Diniyevin şanına yaraşacaq ən az uğur elə bu olacaq. Şəxsi fikrimə görə deyil, həqiqətən də, Şahin Diniyev ölkənin ən güclü 2 məşqçisindən biridir. Hazırki uğurlu oyun, futbol meydanında qazandığı nəticələr də, elə bunu göstərir. Səbail" qış fasiləsinə uğurlu sayıla biləcək 3-cü və ya,4-cü pillədə yollansa belə, klub rəhbərliyi mütləq transer üçün pul kisəsini açmalıdır. Şahin Diniyevin mətbuat konfransında mütləq transfer lazım olacaq sözlərini qəribçiliyə salmaq olmaz. Əks halda, bədələini klub rəhbərliyi artıqlaması ilə ödəyə bilər. Şahin hoca çox düzgün və ağıllı şəkildə transferlərin mütləq və nəyə görə lazım olduğunu açıqladı. Ölkə çempionatında "Qarabağ", "Neftçi", "Zirə" "Sabah" kimi güclü və zəngin heyəti olan klublara qarşı oynamaq asan deyil. İnanırırq ki, klub rəhbərliyi transfer üçün qış fasiləsində yenə də, tam ixtiyar şəkildə Şahin Diniyevə yaşıl işıq yandıracaq. Necə ki, ilin əvvəlində transferlərin tam ixtiyar sahibi Şahin Diniyev olduğu təqdirdə, qazandığı uğurlar göz qabağındadır. İndidən qış fasiləsinə uğurlu pillədə yollanacaq "Səbail" və Şahin Diniyevi təbrik etmək olar. Mən bu məşqçiyə çox inanır, və güvənirəm. Düşünürəm ki, Avrokuboklara vəsiqə qazanarsa, daha gözəl nəticələr verəcək. Uğurlar Şahin hoca.

Əli HƏYATİ