Azərbaycan premyer liqasının 8-ci turunda ən maraqlı qarşılaşma “Səbail –“Sabah” matçı oldu desək yanılmarıq. Futbol camiəsinin çox maraqla gözlədiyi oyunlardan biri oldu. Elə oyunda vurulan qollar, dinamika, gərginlik də, buna əsas verir. İlk qolu meydan sahibi “Səbail” 29-cu dəqiqədə vurdu. Məhz bu qoldan sonra oyunda sürət artmağa başladı. HHər iki komanda qələbə üçün meydanda var –gəl edirdi. Buraxılan qoldan sonra qonaqlar iki qol vursa da, “Səbail” qonaqların qalib gəlməsinə izin verməyən qolu vurdu. Düzünü desəm bu oyunda Şahin Diniyev və komandası qələbəyə layiq idi. Elə göstərilən oyun, təhlükəli qol vəziyyətləri də,buna sübutdur. Şahin Diniyevin 90+5 dəqiqə ərzində bütün kompanentlərdə “Sabah”ın baş məşqçisi Murad Musayevi üstələdi. Həm oyun, həm də, taktiki gedişatlarda Azərbaycanlı mütəxəssiz güclü olduğunu sübut etdi. Əsas məslə Şahin hocanın komandasının rəqibin gücündən, adından, səviyyəli futbolçularından çəkinməməsidir. Nə “Qarabağ”, “Neftçi” nədə ki, “Sabah”la qorxaq futbola üstünlük vermədi. Çempionat başlayandan Şahin Diniyevin komandası hücum və cəsarətli futbol nümaiş etdirir. Düşünürəm ki, bundan sonra hələ daha yaxşı oyun sərgiləyəcəklər. İndi gələk oyunun əsas və futbolumuza ləkə gətirən tərəfinə. Bu oyunda “Səbail” qələbəyə layiq oyun nümaiş etdirdi. Hətta qələbə qolunu da, vurdu. Lakin Azərbaycanın yarıtmaz hakimliyi yenə də, qələbə qazanan, qələbə qolunu vuran komandaya haqsızlıq, ədalətsizlik etdi. Ümumiyyətlə, fikir vermisinizsə, keçən mövsüm birbaşa Şahin Diniyevə və komandası “Səbail”lə qarşı çox haqsılıqlar oldu. Hakimlər “Səbail”in vurulan qollarını, haqqı olan penaltilərini vermirdi. Həmçinin, asanlıqla VAR-a baxmadan belə qapılarına penalti təyin edirdilər. Artıq bunu hər kəs bilir ki, hakimlikdə “Səbail”ə qarşı bir antipatiya, bir qərəzlik var. Niyə? Nədən Azərbaycan klublarının inkişafına mane olurlar. “Səbail”in vurduğu və sayılmayan qoluna dəflərlər video təkrarda baxılıb. Ofsaytdan söhbət belə gedə bilməz. Bəs onda belə bir sual meydana çıxır ki, Azərbaycan futbolunda VAR nəyə xidmət edir? VAR təkcə “Neftçi”yə, “Qarabağ”ın “Sabah”ın lehinə olan qərarlar üçünmü Azərbaycana gətirilib? Əgər bu təmiz qol qeydə alınsaydı, qələbə qazanılsaydı,“Səbail” daha böyük motivatsiya ilə irəli gedəcəkdir. Keçən ilki hadisələrdən, hakimliyin Şahin Diniyevə və “Səbail”ə qarşı etdiyi ədalətsizliyə son qoyulmalıdır. Belə şərəfsiz, qərəzli, hakimliyə görə Azərbaycan futbolu yerində sayır. Görünən odur ki, Şahin Diniyev və komandası klubların, hakimlərin canına vəlvələ salıb. “Səbail”in bu mövsüm göstərdiyi nizam-inrizamlı, parlaq oyun, çoxlarının gözünə batır. Şahin Diniyevi təbrik etmək olar. İndidən güclü rəqiblərinin, hakimlərin canına sözün əsl mənasında vəlvələ salıb. Gedişat da, onu göstərir ki, belə davam edərsə, mövsümün sonunda “Səbail” avrokuboklara vəsiqə qazanmaq şansındadır. Hakimliyimizə bir daha deyirəm ki, sizə Ar olsun, ayıb olsun. Kimsənin, öz gücünə gözəl oyun oynayan, qalib gələn klubların haqqını yeyirsiniz. Biraz vicdanınız,şərəfiniz, varsa, “Səbail”in yaxasından əl çəkin. Bu oyunda “Səbail”i təbrik etmək olar. “Sabah” kimi güclü və iddialı rəqibdən qələbəyə bərabər bir xal almağı bacardı. BRAVO Şahin Hoca.

Əli HƏYATİ