Azərbaycan Premyer Liqasının 12-ci tunun açlışı “Səbail” – “Turan Tovuz” oyunu ilə çox maraqlı açlış oldu. Keçən tur “Zirə” ilə oyunda bir xal qazanan “Səbail”in qalib gələcəyi gözlənilirdi. Əslində, çox çətin oyun olacağı öncədən bəlli idi. Meydan sahibləri ilk yarıda meydanı məğlub tərk etsələr də, əsl şou ikinci yarıda oldu. İlk olaraq, gələk hakimlər biriqadasının meydan sahiblərini oyun ərzində sıxmasına. İlk öncə deyim ki, bir neçə turdu ki, hakimlər briqadası “Səbail”i həddindən artıq təzyiq altında saxlayır. Yeri gəldi, gəlmədi sarı vərəqə verir. Matçın 38-ci dəqiqəsində Səlahət Ağayevin sarı vərəqə almasına. Bir çox media nümayəndələri, hətta “Turan Tovuz” heyəti də, həmin epizodda Səlahət Ağayevə qırmızı vərəqə verilməli olduğunu hakimdən tələb etdi. Oyunun və həmin epizodun video təkrarına baxdıqda görürük ki, nəinki qırmızı vərəqə, heç meydan sahiblərinin qapıçısına sarı vərəqə də, düşmür. Çünki qapıçının topa sifəti ilə toxunduqda qurşaqdan yuxarı hissəsi cərimə meydançasının içərisində idi. İndi gələk Şahin Diniyevin uduzduğu, məğlub olduğu, çətin durumda olan bir matçı necə xilas etməsinə. Onu da, qeyd edim ki, “Səbal”in bəxti heç gətirmədi. Maçın ilk dəqiqələrində əsas üzvlərindən olan Süleyman Əhmədovun zədələnməsi, sonra kapitan Ramazanovun hər kəsi şoka salacaq, qorxudan zədələnməsinə. Beləcə, “Səbail” iki əsas liderini itirdi. Lakin Azərbaycanın ən tanınmış, güclü, təcrübəli məşqçisi Şahin Diniyev məğlubiyyəti qələbəyə çevirməyi bacardı. İlk olaraq möhtəşəm dəyişiklik edərək. Abdullazadəni meydana buraxdı. Çox keçmədi ki, dəyişiklik özünü doğrultdu. Rüfət Abdullazadə bərəbərlik qolunu vurdu. Meydanda taktiki və sistemli dəyişiklik edən Şahin Diniyev möhtəşəm gedişlərindən daha birini edərək, qələbə qolunun vurulmasına nail oldu. Oyunçu qıtlığı, çıxılmaz vəziyyətdən Şahin hocanın məharətlə çıxması, məğlubiyyəti qələbəyə çevirməsi,hər məşqçiyə ait istedad deyil. Şahin Diniyevin şahinləri meydanda sözün əsl mənasında şahin kimi süzürdülər. Bəli sonda penaltidən qol vuraraq, hesabda irəli çıxdılar. Lakin penaltidən dərhal sonra “Səbail”in bonbardiri, qol maşını Romalinqom əzələsini dartdı. Artıq əvəzetmə limiti başa çatmışdı. Romalinqom isə meydanda nəinki qaçmaq, heç yeriyə də bilmirdi. Mən deyərdim ki, Şahin Diniyev karyerasının bəlkə də, ən ağır, çıxılmaz durumda olan oyununu qələbəyə çevirməyi bacardı. Bax budur istedad, bax budur məşqçi bacarığı, bax budur özünə və komandasına güvənən məşqçi. Məğlub durum, əsas liderlərinin itirləməsi belə Şahin Diniyevi qorxutmadı. Bu bir fantastik oyun idi. Azlıqda belə “Turan Tovuz”u məğlub edən Şahin Diniyəvə və onun döyüşkən ordusuna alqış düşür. Mən əvvəl də demişəm ki, Azərbaycanlı mütəxəssiz elə bir komanda yaradıb, komandanı elə bir sistemə oturuşdurub ki, azlıqda qalsa belə nəticə qazana biləcək. Lakin bu qış “Səbail”lə mütləq bir neçə mövqeyə yaxşı transferlər lazımdr. Ən azından hazırki heyətində olduğu futbolçuların arxayınlaşmaması üçün mütləqdir. “Səbail” rəhbərliyi mütləq pul kisəsinin ağzını açmalı, Şahin Diniyevin istədiyi mövqelərinə qışda transferlər etməlidir. Özü də, səviyyəli legionerlər. Əlbəttə ki, “Səbail” rəhbərliyi mövsümün sonunda yuxarı pillələrdə,avrokuboklara vəsiqə istəyirsə. Sonda bir söz deyə bilərəm ki, Şahin hoca hələ bizləri yaxşı mənada çox təəccübləndirəcək. “Turan Tovuz”la oyuna gəlincə isə çətin durumdan qələbə qazanan Şahin Diniyevə və komandasına Əhsən, Bravo.

Əli HƏYATİ