Artıq Azərbaycan premyer liqasının 6-cı turu geridə qaldı. İlk turda maraqlı və sensasiyalı nəticələr elə indi də, davam etməkdədir. Hər zaman “Qarabağ”ın, “Sabah”ın, “Neftçi”nin lider olacağını düşünsək də, Şahin Diniyevin”Səbail”i hər kəsi yaxşı mənada çaş-baş saldı. Dünən Gəncə səfərindən parlaq zəfərlə qayıdan “Səbail” daha bir vacib üç xalı aktivinə yazdı. Gəncə səfərində “Kəpəz”dən bir xal gətirmək hər zaman çətin olub. Qaldı ki, səfərdə qələbə qazanasan. Özü də, böyük hesablı qələbə. Şahin Diniyevin yetirmələri hesabı erkən açdı. Matçın 2-ci və 16-cı dəqiqəsində demək olar ki, Şahin Diniyev qələbəninn təməlini qoydu. Elə ilk saniyələrdən matçdan görünürdü ki, “Səbail” erkən qol vurmağa, rəqib üzərində psixoloji üstünlüyə yiyələnmək istəyir.Elə oyunda da, taktiki gedişat tam göründü. Yəni Şahin hoca matçın taleyini ilk yarıda, erkən qollarla həll etmək istəyir. Belə də, oldu. Hər oyundan –oyuna “Səbail”in performansı getdikcə artır. Saki “Səbail”in futbolçuları hər turda nə isə öyrənir. Yəni daha səviyyəli futbol oynamağa başlayıb. Ən əsası isə komanda meydanda “Zirə” kimi proqmatik, mənasız, bəxtə -bəxt futbol oynamır. Ordata bir iş əmsalı açıq-aydın görünür. Belə bir məslə var. İstənilən ən güclü ordu, ən çox saya mənsub olan ordu məğlub ola bilər. Əgər həmin ordunun başında döyüş taktikasını bilən, ağıllı, sərkərdə olmasa. Yəni “Səbail”in başında Şahin Diniyev kimi ağıllı, özünə məxsus futbol fəlsəfəsi olan sərkərdəsi var. Başınızı qaldırın turnir cədvəlinə baxın. “Səbail” hazırda 2-ci pillədədir. Həm “Qarabağ”dan, “Neftçi”dən, həm də, “Sabah”dan irəlidədir. Bir neçə turda da, qələbə qazanarsa, liderliyə də yüksələ bilər. MƏn deyərdim ki, bu ilin sürpriz, sensasiyalı, və nəticə verən komandası “Səbail” olacaq. Şahin Diniyev başını aşağı salıb işini görür. Görünür ki, rəhbərlik də, baş məşqçiyə hər sahədə dəstək verir. Yəni baş məşqçi kimi klubda söz sahibidir. Bir sözü, iki olmur. Yazının sonunda bir sözü deyəcəm. Şahin Diniyevli “Səbail” zirvəyə doğru addım-addım irəliləyir.

Əli HƏYATİ