Premyer liqanın 5-ci turunda maraqlı oyunlar olacağını əvvəlcədən proqnoz vermək olardı. Ən maraqla gözlənilən qarşılaşmalardan biri də, "Səbail" -"Qarabağ" matçı idi. Keçən tur evdə "Kəpəz"lə oyunda xal itirən "Qarabağ"ın "Səbail"llə oyuna çox istəkli çıxacağını təxmin etmək olardı. Yəni mütləq üç xal üçün meydana çıxacaqları bəlli idi. Elə belə də, oldu. Meydanda 90 dəqiqə dinamik və sürətli tempdə oyun getdi. Bəkə də, bir çoxları bu oyunda Şahin Diniye və komandası olan "Səbail"in məğlubiyyətini gözləyirdilər. Axı rəqib çox güclü olan, son çempion, Avroliqanın qrupuna növbəti dəfə vəsiqə qazanan "Qarabağ" idi. Elə oyun başlayar -başlamaz 3-cü dəqiqədə "Qarabağ" Keyta ilə hesabı açdı. Məhz bundan sonra çox güman ki, azarkeşlər, mətbuat nümaəyəndələri və bəlkə də, "Qarabağ" klubu elə bilirdi ki, "Səbail"in böyük hesablı məğlubiyyətinin başlanğıcı qoyuldu. Lakin sən saydığını say, gör Şahin Diniyev nə sayır. Buraxılan qoldan sonra Ş. Diniyevin komandası özünü itirmədi. Əksinə qısa bir müddətdən sonra 17-ci dəqiqədə hesabı bərabərləşdirdi. Baş məşqçinin verdiyi taktiki tapşırıların işə yaradığını demək olar. Meydanda əsl məşqçi savaşı gedirdi. Taktiki gedişatlar, tez -tez yerdəyişmələr olurdu. Və bu məşqçi döyüşlərinin nəticəsində Şahin Diniyevin həmkarı Qurban Qurbanova qalib gəldiyini gördük. Sanki Qladiatorların döyüşü idi. Məhz bu Qladiator döyüşlərindən Şahin Diniyevin qalib çıxdığını gördük. Hesabı bərabərləşdirən "Səbail" ilk yarının başa çatmağına az qalmış hesabda irəli çıxaraq, onlara yuxarıdan - aşağı baxanlara mesajını verdi. İlk yarıda "Səbail"in daha 1-2 qol vurmaq şansı oldu. Sadəcə alınmadı. İkinci hissədə "Qarabağ"ın geri dönüş edəcəyinə inananların xəyalı suya düşdü. Şahin Diniyev ikinci yarıda ağıllı taktika seçərək , laızmı və dəqiq əvəz etmələr edərək hesabı qoruyaraq qələbəni təmin etdi. Onu da, deyim ki, "Səbail" ikinci hissədə daha bir neçə real qol epizodu yaxaladı. Sadəcə, dəyərləndirə bilmədilər. Bunu edə bilsəydilər bəlkə də, daha parlaq qələbə qazana biləcəkdirlər. Çünki "Qarabağ" bütün qüvvə ilə irəli atıldı. İndi buradan Şahin Diniyevi və "Səbail"i keçən mövsümdən ciddiyə almayanlara mesaj var. Məhz bu oyun, bu qələbə ilə Şahin Diniyev onu haqsız yerə tənqid edənlərə salam və mesajını göndərdi. Yəni ki, mən Şahin Diniyevi və "Səbail"i siyahıdan silmək olmaz. Mən araşdırmaçı və tənqidçi jurnalist olaraq isə düşnürəm ki, Şahin Diniyev və komandası hələ belə sensasiyalı qələbələr çox qazanacaq. Əslində, bunu sensasiya adlandırmaq düzgün olmazdı. Çünki dünən məşqçilərin savaşında Şahin Diniyev və "Səbail" qalib gəldi. Bir sözlə, təsadüfü deyil, "Səbail" meydanda oyun göstərib qalib gəldi.

Əli HƏYATİ