Azərbaycan premyer liqasının 22-ci turunda Qəbələdə "Kəpəz" -"Səbail" qarşılaşması baş tutdu. Oyundan öncə də, bu görüşə maraq böyük idi. Futbol camiəsi və mətbuatı "Səbail"in hansı nəticə qazana biləcəyini gözləyirdi. Bir çoxları düşünürdü ki, Şahin Diniyevin komandası fasilədən öncəki formasından çox uzaqdı. Və Qəbələdə xal itirəcək. Lakin təcrübəli jurnalist kimi mənim Şahin hocadan "Kəpəz"lə oyunda geri-dönüş edəcəyini, "qara zolaq"dan çıxacağını düşünürdüm. Belə də, oldu. Düzdü, ilk yarıda Bakı komandası yaxşı oyun göstərə bilmədi. Lakin komanda sona qədər meydanda döyüşürdü. Bərabərlik qolu, ən əsası da, baş məşqçi kimi Şahin Diniyevin yerində və lazımlı əvəzetmələri oyunun taleyini bucaq altında 360 dərəcə dəyişdi. İlk olaraq, "Səbail"in baş məşqçisinin meydanda cızdığı möhtəşəm taktikanı alqışlamaq olar. Onun qurduğu komanda və taktiki gedişatlar oyun nizam -intizamını qoruyub saxladı. Hətta "Səbail" məğlub durumda olduğu müddətdə, nizam -intizamı pozmadı. Bir futbol klubunda ən əsası bu olmalıdır. Əgər nizam-intizam qorunub saxlanılarsa, uğur mütləq gələcək. Şahin Diniyevin istəyi ilə yeni transferləri də, artıq özünü yaxşı mənada göstərməyə başlayıb. Çox güman ki, bir - iki turdan sonra daha səviyyəli oyun nümaiş etdirəcəklər. Gələk "Səbail"in oyununu yanlış tənqid edənlərə. "Səbal"in fasilədən sonra bir neçə turda uğursuz çıxış edir deyənlərə. İstənilən ən güclü futbol klubunda uğursuz nəticələr qaçılmazdır. Məslən elə biri "Neftçi",Sabah", digəri "Zirə" "Qəbələ" və sair. Komandanın oyunlarını, nəticələrini, ümumilikdə dəyərləndirmək lazmdır. Şahin Diniyev bu gün "Səbail"i elə səviyəyə gətirib ki, istənilən güclü rəqibi məğlub etməyi bacarırlar. "Qarabağ"ı, "Sabah"ı və sair klubları məgər Şahin hocanın komandası məğlub etməyibmi? Hazırda yuxarı pillələrdə qərarlaşan "Səbail" bu mövqeyə elə belə gəlib çıxmayıb. Burada baş məşqçidən tutmuş, futbolçulara, klub rəhbərliyinin böyük əziyyəti, zəhməti var. Bu gün "Səbail" "Kəpəz"i darmadağın etməklə 5-ci pilləyə yüksəldi. Baxın turnir cədvəlində 2-ci pillədən "Səbail"i cəmi 4 xal ayırır. "Neftçi"nin 32, "Zirə"nin isə 31 xalı var. "Səbail"in isə 30 xalı. Növbəti turda "Səbail" bir qazansa, daha yuxarı pilləyə yüksələcək. Bu amil Şahin hocanın komandasının güclü və prespektivli olduğundan xəbər verir. Yadınızdadırsa, çempionatın ilk turlarında "Səbal" bir neçə tur ardı-arda məğlub oldu. Lakin sonradan uzun bir qələbə seriyası oldu. Bütün rəqiblərinə, o cümlədən "Qarabağ" "Sabah" və "Neftçi" kimi güclü komandalara divan tutdu. Düşünürəm ki, "Səbail" səfərdə "Kəpəz"i darmadağın etməklə, növbəti məğlub edilməz seriyanın təməlini qoya bilər. Çünki "Səbail"in çıxışlarına baxdıqda, oyun görürsən. Ən əsasıda budur. Oyun varsa, nəticə mütləq gələcək. Bu klubun oyununda böyük bir iş görüldüyünü,zəhmət çəkildiyini sezməmək kor olmaq deməkdir. Azərbaycanlı təcrübəli mütəxəssiz Şahin Diniyev futbolda baş ağardıb, saç töküb. Şahin hoca bu gün rəqiblərinə bir daha dişini, əzəmətini göstərdi. Mən deyərdim ki, yaralı aslan Şahin Diniyevin ölümcül pəncəsi həlledici oldu. Düşünürəm ki, növbəti turlarda daha yaxş "Səbail", daha yaxşı nəticələr görə biləcəyik.

Əli HƏYATİ