Azərbaycan premyer liqasında maraq və gərginlik getdikcə artlr. Yenə də, güclülərin, liderlərin xal itirmələri dava edir. Lakin ən maraqlı məqamlardan biri keçən mövsüm sonuncu pillədələrdə olan, premyer liqada qalmaq üçün mübarizə aparan “Səbail”in 7 turdan sonra 13 xalla turnir cədvəlinin 2-ci pilləsində qərarlaşmasıdır. Şahin Diniyevin komandası bu mövsüm yaxşı mənada özündən söz etdirməyi, təəccübləndirməyi, davam edir. Son turlarda xallar qazanan sürprizə imza aparn “Araz Naxçıvan”la qarşılaşan “Səbail” ilk yarıda vurduğu qolla qalib gəldi. Oyun planına gəlincə isə meydanda xüsusi nəsə görünmədi. Lakin Şahin Diniyevin futbolçuları, baş məşqçinin verdiyi tapşırıları meydanda maksimum yerinə yetirməyə çalışdılar. Baxmayaraq ki, Şahin hocanın komandasında 4 ikti ilə meydana çıxmışdı. Yusif Nədiyev kimi aparıcı və qol vurmaq bacarığı da olan futbolçunun yoxluğu böyük itkidir. Digərləri də, komandanın qəlbi sayılır. Aydın məsələ idi ki, Şahin Diniyev bu oyunda nə olursa –olsun mütləq qalib gəlməyə çalışacaq. Çünki “Səbail”in qələbə seriyasını,məğlubiyyətsizlik sıralamasını davam etdirmək çox vacibdir. Belə də, oldu. “Səbail” meydanda sırf nəticə üçün oynadı. Və necə deyərlər Şahin hoca istəyinə çatdı. Komanda artıq ardı-arda 4 cü qələbəsini qazandı. Belə bir termin var . Şahin Diniyev “pokker” etdi. Yəqin ki, ardı gələcək. Hazırda lider “Zirə”dən 3 xal geri qalan “Səbail”in qarşıdakı 2 turda məğlub olmaması, liderliyə yüksəlmək şansını artıracaq. “Zirə”nin xal itirməsi ilə liderliyi əldən verəcək. Şahin Diniyevin komandası hələ tam potensialını ortaya qoya bilməyib. Çünki hələ cəmi 7 turdu ki, çempionat davam edir. Çox güman ki, 14-15-ci turlarda daha güclü, daha əzimkar, meydanda bir –birlərini əla anlayan daha yaxşı “Səbail”olacaq. Haızrki gedişat daha da, irəliyə doğru addımlar atdığından xəbər verir. Bir sözlə, komandanın potensialı, məşqçi işi gözəl və parlaq, uğurlu gələcək vəd edir. Şahin Diniyev və komandasına isə bu zamana qədər gördüyü işlərə əhsən düşür. Düşünürəm ki, qış fasiləsindən sonra daha güclü, daha iddialı “Səbail” görə biləcəyik. Çox güman ki, heyəti gücləndirmək, təlim –məşq toplanışı da, komandanın gücünə -güc qatacaq.

Əli HƏYATİ