Azərbaycan Premyer Liqasının 33-cü turu həm maraqlı, həm də, sensasiyalı keçdiyini desək yanılmarıq. “Turan Tovuz” evdə “Neftçi”ni darmadağın etdi (4:0). “Səbail” klubu isə Şahin Diniyevin rəhbərliyi altında “Sumqayıt”ı məyus etdi. Mən bir yazar, araşdırmacı və tənqidçi jurnalist kimi məhz bu oyunun üzərində qalmaq istərdim. Bu oyunda həqiqətən də, çox böyük maraq vardı. Bundan başqa, oyun başdan –başa baş məşqçilərin taktiki,sistemli,oyuna baxış nöqtəyi nəzərdən duaeli idi. Yəni baş məşqçinin savadı, oyunu görmək bacarığı, düzgün əvəz etməliri, doğru olacaqdısa bu oyunu həmin baş məşqçi aparacaqdı. Gözlədiyimiz kimi də, oldu. İlk dəqiqələr kəşfiyyat xarakteri daşısa da, mtçın 20-ci dəqiqəsindən sonra oyunda sürət və hücumların sayı artmağa başladı. İlk qolu matçın 37 dəqiqəsində ev sahibləri vurdu. Lakin necə deyərlə əsas kino elə bundan sonra başladı. Azərbaycan futbolunun ən savadlı, bacarıqlı, güclü psixoloq olan Şahin Diniyev fasilədə öz ölümcül zərbəsini işə saldı. Azərbaycanlı mütəxəssizi güclü bir baş məşqçi, psixoloq kimi yaxşı tanıyan bir jurnalist olaraq bunu ondan gözləyirdim. Elə gözlədiyim kimi də,oldu. Şahin müəllimin komandası ikinci yarıya meydana sanki “Səbail” kimi deyil, “Barselona” olaraq çlıxmışdı. İkinci yarıda “Səbail” ilk hissədəki komandaya heç bənzəmirdi. Bilirsiniz niyə, çünki onların istiqamətini, meydanda hərəkət xəritəsini, taktiki sistemini məhz Diniyev çəkmişdi. İkinci yarıda “Səbail”in oyununda, bütün hücumlarında, vurduğu qollarda baş məşqçinin işi göz oxşayırdı. Hələ 2-3 real qol imkanlarını boşa verməsəydilər, hesab daha böyük ola bilərdi. İkinci yarda Qoba Zaqpanı, Qomisi meydana buraxılması da, sırf taktiki gedişata və qələbəyə hesablanmışdı. Məhz ilk 11-də deyil, meydana rəqib komandanın bir qədər yorulmasına,sürətli hücumların, əks-hücumların qurulmasına hesablanmış gedişat idi. Belə oyunla, belə ruh yüksəkliyi ilə Şahin müəllimin yetirmələri “Qarabağ”dan da, xal ala bilərlər. Düzdü, çox çətin olacaq. Çünki “Qarabağ” çox güclüdür. Və çempionluğa oynayır. Lakin bu oyunda hər şey gözləmək olar. “Səbail” klubu 35-ci turda “Turan Tovuz”dan xal qopara bilsə, Şahin müəllimi həmin vaxtdan təbrik etmək olar. “Şamaxı” ilə oyuna klubun gələcək taleyini saxlamayacaq. Etibarlı mənbədən və sosial şəbəkələrdə gəzən söz –söhbətlərə əsasən Şahin Diniyev mövsümün sonu iş yerini dəyişə bilər. Aldığımız məlumata görə çempionatın sonunda Regekampfı istefaya göndərəcək ”Neftçi” klubu Şahin Diniyevi bu posta gətirmək istəyir. Azərbaycan futbolunu əlinin içi kimi tanıyan, yaxşı bələd olan, Azərbaycanlı mütəxəssizə güvənmək istəyirlər. Əgər belə olarsa, “Neftçi” rəhbərliyi bundan ancaq xeyir görə bilər. Hər halda Azərbaycanlı gənc məşqçilər Şahin Diniyev kimi güclü mütəxəssizlərdən hələ çox şeylər öyrənməlidir.

Əli HƏYATİ