Azərbaycan millisinin məşqçisi Arif Əsədovun rəhbərliyi altında “FIFA series – Edition 2024” layihəsində Monqolustan və Bolqarıstan seçməsi ilə oyunlar keçirdi. Millinin müvəqqəti baş məşqçi postunu tutan Arif Əsədovun rəhbərliyi altında matçlara çıxan yığma komandamızın oyununu müsbət dəyərləndirmək olar. Nəzərə almaq lazımdır ki, Arif Əsədov milli komanda da, bir çox futbolçulara şans tanıdı. Baxmayaraq ki, onların bir çoxu klublarında daima əsas heyətdə meydana çıxmayıb. Lakin baş məşqçinin bu çəəsarətli addımını yalnız alqışlamaq olar. Həm Monqolustan millisini məğlub etmək, həm də, Bolqarıstan kimi güclü yığma ilə oyunda bərabərə qalmaq yaxşı nəticə hesab edilir. Çünki Bolqarıstan millisinin futbolçuları da, bir çox tanınmış klubların üzvləridilər. Oyun performansına gəlincə isə milli futbolçuların oyunlarında Arif Əsədovun baş məşqçi kimi verdiyi xüsusi tapşırıqlar, sistem, özünü yaxşı mənada göstərdi. Baxmayaraq ki, Arif Əsədov milli komandanı ilk dəfə baş məşqçi kimi oyunlara çıxarmışdı. Hər iki oyundan sonra həm milli komandanın, həm də, baş məşqçinin işini yaxşı adlandırmaq olar. Əgər milli komandanın baş məşqçisi Arif Əsədov rəsmən təsdiqlənərsə, düşünürəm ki, milli komanda daha yaxşı nəticələr əldə edə bilər. Çünki Arif Əsədov artıq illərdi milli komandanın içərisindədir. Və bütün milli futbolçuların nəyə qadir olduqlarını, hansının potensiala malik olduqlarını, daha yaxşı bilir. Yaxın zamanda AFFA-nın rəsmi prezidenti seçiləcək. Bundan sonra milli komandanın baş məşqçisi də, rəsmən məlum olacaq. Bir tənqiçi və təcrübəli idman jurnalisti olaraq, mənim seçimim yerli baş məşqçidir. Daha doğrusu Arif Əsədovun bu postu tutmsını istərdim. Çünki bütün kompanantlerdə Aərbaycanlı mütəxəssiz daha layiqdir. Az əvvəl sadaladığım xüsusiyyətlərə görə bütün yerli məşqçilərdən daha layiqdir. Əcnəbi məşqçilərin milliyə gəlişi isə illərdi heç bir uğur bəxş etmir. Əksinə əcnəbi məşqçilərlə milli komanda çox şey itirib. Heç bir uğur əldə etməyib. Millini Arif Əsədov kimi təcrbəli, daha gənc, çox qoca olmayan, enerjisi tükənməyən, işini bilən məşqçilərə ərməğan etmək lazımdır. Ən azı 3 illik müqavilə imzlayaraq, Arif Əsədova şans və vaxt vermək lazım olduğunu düşünürəm. Artıq Qurban Qurbanovun timsaında yerli məşqçilərimizə, məhz Arif Əsədova güvənmək lazımdır.

Əli HƏYATİ