“Mançester Yunayted” “Nyukasl”ın müdafiəçisi Luis Hollu yenidən transfer siyahısına daxil edib.

Futbolmedia.az xəbər verir ki, bu barədə “i News” məlumat yayıb.

“Qırmızı şeytanlar” cari mövsüm başa çatdıqdan sonra müdafiə xəttində ciddi dəyişikliklər etməyi planlaşdırır. Bu mövqeyi gücləndirmək üçün namizədlərdən biri də ingiltərəli futbolçudur. Mançester təmsilçisi gələn yay onun transferi üçün yenidən cəhd edə bilər.

22 yaşlı müdafiəçinin özü də Mançesterə köçməyə müsbət yanaşır. Bununla belə, “Nyukasl” onun üçün 95 milyon avrodan çox tələb etsə, “Mançester Yunayted”in alternativ variantı da var. Söhbət “Bornmut”un futbolçusu Adrien Trufferdən gedir.

Holl bu mövsüm bütün turnirlərdə 9 matçda iştirak edib, 1 qol vurub və 2 məhsuldar ötürmə verib. Onun “Nyukasl”la müqaviləsinin müddəti 2031-ci ilə qədərdir.