Misli Premyer Liqasının 19-cu turunda keçirilən “Səbail" - "Zirə” matçı öncədən çox maraq doğururdu. Hər iki komanda turnir cədvəlinin yüksək pillələrində yer alırlar. Hər iki komandanın bu gedişatla avrokubok yarışlarına çıxaması real görünür. Lakin daha çox diqqətlər Şahin Diniyevin komandasına yönəlib. Bu mövsüm möhtəşəm preformans sərgiləyən "Səbail" fasilədən sonra da, ilk oyunda xalını qazanmağı bacardı. Düzdü, fasilədən sonra "Səbail" öz meydanında bir qədər inamsız görünürdü. İlk hissədə necə deyərlər oyunun ipini əlindən az qala buraxışdılar. Qapıları qarşısında bir neçə real qol vəziyyətləri yarandı. Unutmaq olmaz ki, "Zirə" yeni mövsümdən ən sabit və ən uğurlu çıxış edən komndalardandır. Daha çox nəticəyə və müdafiədən oynayan komanda olub. Belə komandalara qarşı istənilən rəqib çətinlik çəkir. Lakin Şahin Diniyevin yetirmələri ikinci yarıda balansı qorumağı bacardılar. Bir neçə epizodlarını əldən verdilər. Gələk qarşılaşmanın 80-ci dəqiqəsində "Səbail"in cərimə meydançasında penalti qalmaqalına. Baxın dünya praktikasında bu cür penaltilər tanınmış hakimlər tərəfindən verilmir. Çünki "Zirə"nin futbolçusu topa artıq zərbə vurmuşdu. Top ayaqdan çıxdıqdan və 1 metr uzaqlaşdıqdan sonra "Səbail"in kapitanı Adil Nağıyev rəqibin ayağına zərbə vurdu. Bu zərbə də, topa hesablanmış zərbə idi. Birbaşa və bilərəkdən rəqibi zərərsizləşdirmək üçün ayağa zərbə deyildi. Yəni baş hakim Fərid Hacıyev və VAR-da oturan İnqilab Məmmədov doğru qərar verdi. Burada penalti yox idi. Hər halda bu işin peşəkar hakiməri bizlərdən daha yaxşı bilir. Hakimlərin bu doğru və cəsur qərarını alqışlayıram. Gələk "Səbail"in ilk turdakı zəif oyununu tənqid edənlərə. Cənablar bu uzun fasilədən sonra keçirilən ilk rəsmi oyundur. Heyətində bir neçə yeni futbolçular var. Yeni gələn legionerlərin kluba, Şahin Diniyevin sisteminə öyrəşməsi üçün vaxt lazımdır. Bundan başqa Şahin Diniyevin komandası çempionat başlayan da, da məğlub olmuşdu. Bir neçə tur yaxşı oyun sərgiləmədi. Lakin bir neçə turdan sonra bütün rəqiblərin, qorxulu yuxusuna çevrilən komanda oldu. "Qarabağ"dan tutmuş bütün güclüləri qatmışdı qabağına. Çempionatın ilk pillələrinə yüksəldi. Sizi əmin ediərm ki, 2-3 turdan sonra Şahin Hocanın komandası fasilədən öncəki əzəmətinə qayıdacaq. Mən demişəm, bir də, deyirəm ki, bu mövsümün uğurlu, güclü komandalarından biri "Səbail"dir. Bundan başqa "Səbail" ilk oyunda "Zirə" kimi çətin və güclü rəqibdən qələbəyə bərabər 1 xal almağı bacardı. Bu bir xal qələbəyə bərbərdi. Məhz bu nəticəyə görə də, Şahin Diniyev və komandasını alqışlamaq lazımdır. "Səbail" -"Zirə" qarşılaşmasında qazanılan 1 xala görə Şahin Diniyevi qalib saymaq olar. Və gedişat onu deyir ki, "Dənizçilər" mövsümün sonunda istəyinə nail olacaqlar. Şahin Diniyevin yeni iki transferinin oyununu bir jurnalist kimi araşdırmışam. Çox istedadlı, sürətli və texnikalı fuytbolçulardı. Düşünürəm ki, bu iki transfer mövsüm ərzində Ş. Diniyevin köməyinə çatacaq.

Əli HƏYATİ