Azərbaycan premyer liqasının 4-cü turunda bir çoxları Tovuz bölgəsində baş tutacaq oyunu maraqla gözləyirdi. Ardı-arda qələbə qazanan qərb klubu “Səbail”lə oyunda da, qalib gələcəyini söyləyənlər vardı. Lakin mən bu oyunun “Səbail” və Şahin Diniyev üçün geridönüş matçı olacağını düşünürdüm. Çünki necə deyərlə artıq vaxt yetişmişdi. Yəni əkdiyin, becərdiyin, təsərüfatın artıq bəhrəsini, meyvəsini ,dərmək vaxtı yetişmişdi. Elə mən gözlədiyim kimi də, oldu. Ölkənin ən təcrübəli və savadlı məşqçilərindən olan Şahin Diniyev özünə məxsus sürpriz taktika ilə Tovuzdakı oyuna çıxmışdı. Bir çox aparıcı futbolçulrını ehtiyatda saxlayan mütəxəssiz, gərgin oyun olacağını bilərək, ehtiyyat güc və taktikaya üstünlük vermişdi. Ağabala Ramazanov kimi sürətli, texnikalı və qol silahlarından olan futbolçunu ehtiyatda tutulması, öz bəhrəsini verdi. Bundan başqa, Şahin Diniyev meydanda həm ağıllı, həm də, qorxmaz hücum futbolu nümaiş etdirdi. Məhz sonradan meydana buraxılan Ağabala Ramazanov ümüd və tam qələbə qolunu vurdu. Bu amil ona dəlalət edir ki, Ş. Diniyev çox ağıllı, uzaq görən, futbol fəlsəfəsi limitsiz olan bir mütəxəssizdir. Bu tip taktika, oyun sistemi, fəlsəfə çox yüksək kolitəli, məşqçilərə xas olur. Keçən turdakı yazımda bildirmişdim ki, Şahin hocanın komandası məğlub olsa da, ümüd verdi. Yəni komandada bir sistem, oyun planı var. “Səbail” uduzsa da, oyun nümaiş etdirir. Ən əsası da, elə məhz budur. Əgər oyun varsa, nəticə özü gələcək. Elə belə də, oldu. Tovuz səfərindən “Neftçi”, “Qarabağ”, “Sabah” kimi komandalar keçən mövsüm də, başı aşağı, məğlub və xalsız qayıdıblar. Yəni Tovuz səfəri çempionatın ən ağır , ən çətin səfərlərindəndir. Oradan əla oyunla, 3 qolla, qalib gəlmək, hər komandaya nəsib olmur. Hə bax indi artıq çempionat oyunu qızışmağa, maraqlı olmağa başlayır. Yenə də, deyirəm ki, Şahin Diniyev bu gedişlə çempionatın sonunda mükafatçılar sırasında yerini tuta biləcək. Azərbaycanlı mütəxəssiz Ş. Diniyev hələ bir çox komandalara baş –ağrısı lacaq. İndi söyləmək olar ki, Şahin hocanın komandası “Relsə” düşdü. Bir qələbə “Səbail”i 6-cı pilləyə qaldırdı. Daha bir qələbə ardı gələrsə 3-4-cü pilləyə qədər yüksələcək. Demək istədiyim odur ki,bizi qarşıda çox maraqlı, sensasiyalı oyunlar gözləyir. Elə mövsüm də, pis başlamayıb. Gələn mövsüm avrokuboklara qatılan komandaların siyahısında, mənim fovaritim “Səbail”dir.

Əli HƏYATİ