Hər kəs kimi mən də, gözləyirdim ki, millimiz heç olmasa Estoniya yığmasına evdə qalib gələr. Lakin nəinki qələbə, az qala uduzacaqdıq. Heç -heçə hazırki durumda elə məğlubiyyətə bərabərdi. Biz qalib gəlsəydik, bəlkjə də, nəyəsə ümüd etmək olardı. Lakin indi demək olar ki, ümüdümüzün üstündən xətt çəkildi.

Bu sözləri, Futbolmedia.az saytına açıqlamasında Azərbaycan futbolunun veteranlarından sayılıan Mahmud Qurbanov deyib. Millinin baş məşqçisi De Byazinin fəaliyyətini qiymətləndirən veteran futbolçu bunları deyib.

De Byazinin millidə gördüyü işin adı nədir? Öncəki iki oyunda milli komanda darmadağın oldu. İndi də, evdə Estoniyanı məğlub edə bilmədik. Bəs deyirdilər ki, milli komandada inkişaf var. Hanı bəs bu inkişaf. Niyə biz onu görə bilmirik. Estoniya yığması ilə heç heç -heçə etmək üçün bizim De Byaziyə nə ehtiyacımız var ki? Bu nəticəni yerli məşqçilər də, verib. Düşünürəm ki, millinin baş məşqçisi yerli mütəxəssiz olmalıdır.