Azərbaycanın "Sabah" klubu bizləri yaxşı mənada təəccübləndirməyə başlayıb. Klub həm çempionat oyunlarında, həm ki, Avrokubokda diqqətləri özünə çəkməyi bacarıb. Bu klub təzə yarananda çoxları uğurlu ola biləcəyini gözləmirdi. Bəlkə də, fikirləşirdilər ki, yeni yaranmış komanda olaraq, "Qarabağ"ın "Neftçi"nin "Qəbələ"nin, "Zirə"nin kölgəsində qalacaq. Lakin gözlənilənlərin əksi olaraq, klubda hər şey ildən ilə inkişafa doğru getməyə başladı. Bu inkişafın bir neçə tutarlı səbəbləri var. Ən başlıcası isə işini bilən, peşəkar rəhbərlikdi. Bu inkişafın, bu peşəkarlığın başında isə klubun rəhbəri Maksud Adıgözəlov durur. Qısa bir zamanda, klubda gördüyü keyfiyyətli işləri ilə adından yaxşı mənada söz etdirməyi bacardı. "Sabah" klubunda Avropanın tanınmış, məşhur peşəkar klublarının sistemi var. Bu sistemin tətbiqində məhz birbaşa klub rəhbərliyinə, onların strategiyasına alqış düşür. Ölkənin hazırda ən güclüsü olan "Qarabağ" klubu özünə məxsus sistemi ilə liderlik edirdi. Lakin "Sabah" klubunun yaranması, klubun başına Maksud Adıgözəlov kimi dqqətli, işini sevən, işlərinə məhsuliyyətlə yanaşan bir şəxsin gətirilməsi ilə durum dəyişdi. İndi "Sabah" klubundakı nizam-intizam, peşəkar klublara aid olan sistem heç də, "Qarabağ"dan geri qalmır. Bəlkə də, başa -baş pillədə gedirlər. Klub rəhbəri ətrafına futbol anlayışı olan, peşəkar futbolda ad qoyan insanları topladı. Yəni bu işin çəmini necə deyərlər peşəkarlara tapşırdı. Klubun keçən mövsüm "Qarabağ"la çempionluq yarışında bəlkə də, bəxt amili geridə qoydu. İki turda itirilən xalları "Sabah"ı çempionluqdan etdi. Futbolda isə belə hallar qaçılmaz olur. Lakin bu mövsüm "Sabah"ın çempion olacağını təxmin etmək olar. Avrokuboklarda Latviya klubunu hər iki oyunda məğlub edən "Sabah"ın növbəti mərhələ keçmək şansını da, yüksək dəyərləndirmək olar. Klubun rəhbəri işinin peşəkarlığından başqa da, sadə insan, jurnalistlərə daima diqqətlə yanaşan, müsahibələrə daima açıq olan şəxsiyyətdir. Azərbaycan futbolunda M. Adıgözəlov kimi klub rəhbərləri nə qədər çox olarsa, bir o qədər futbolumuz peşəkarlaşar. Şəxsi fikrimi deyirəm ki, bu şəxs qısa bir müddətdə "Sabah"ı daha güclü, avrokuboklarda sensasiyalar edəcək kluba çevirəcək. Buna görə, mətbuat olaraq belə klub rəhbərlərinə daima dəstək olmalıyıq. "Sabah"ın avrokuboklardakı oyunlarına gəlincə isə mən daha yaxşı nəticələr gözləyirəm. Bu mövsüm Azərbaycan premyer liqasında isə daha güclü, "Qarabağ"a kafa tutacaq bir "Sabah" görəcəyik.

Əli HƏYATİ