Azərbaycan Premyer Liqasında 29-cu tura start verilib. Bu turda bir çox maraqlı və sensasiyalı oyun qeydə alındı. İndidən demək olar ki, “Qarabağ” çempiondur. Hətta “Sabah”ın da, avrokuboklara vəsiqə qazanması artıq bəllidir. Lakin ən əsas məslə turnir cədvəlində sonuncu pillələrdə qərarlaşıan 4 klubun taleyi və nəticələri daha çox gündəmdədir. Əcaba, hansı klub bu mövsüm Premyer Liqanı tərk edəcək. Bir çoxları bundan öncəki turda sonuncu pillədə qərarlaşan “Səbail”in vəziyyətini, məğlubiyyətlərini, əsas göstərir, şanslarının az olduğunu deyirdilər. Elə idman mətbuatı da, bu haqda daha çox yazırdı. Yəni Şahin Diniyevin komandası bu mövsüm Elitanı tərk edə bilər. Lakin “Səbail”in evdə “Sabah”la dünənki oyunu onu göstərdi ki, Şahin Diniyevin komandası çox şeyə qadirdi. “Qarabağ”la başa –baş mübarizə aparan, avropa yarışlarına vəsiqə qazanan “Sabah”a şans vermədi. Bu bir təsadüfü qələbə deyildi. Matçı əvvəldən sona qədər izləyənlər gördü ki, “Səbail” oyun boyu üstün tərəf idi. Və qələbəyə daha çox istəkli idilər. Bundan başqa oyunda bir sistem, taktika, höküm sürürdü. Mən bundan öncəki yazımda da, qeyd etmişdim ki, Şahin Diniyev digər bəzi məşqçilərə bənzəməz. Həm savadı, həm qətiyətliyi, həm də, səbirli davranışıları ilə digər məşqçilərdən yaxşı mənada seçilən olub. Bax “Sabah”la oyunda biz Şahin Diniyevin əzəmətini gördük. Bu adam məğlub olduğu oyunlarda belə inamını itirməyib. Hər zaman mətbuat konfransında da, bildirirdi ki, hər şey yaxşı olacaq. Biz Azərbaycan Premyer Liqasında qalacağıq. Artıq zaman yetişib və qələbə gəlməyə başlayıb. Buradan idman jurnalisti olan həmkarlarıma səslənirəm. Bir qədər səbirli olaq.

Öz yerli və bacarıqlı məşqçimiz Şahin hocaya dəstək olaq. Bu mütəxəssizi mən uzun illərdi yaxşı tanıyır, gördüyü işlərə bələd biriyəm. Ş.Dniyevin futbolda məşqçi kimi xüsusi dəsti-xətti var. Bu adam söz deyəndə onu küləyə tullamır. Yəni boş danışıqlara, boş – boş transferlərə aludə olan mütəxəssiz deyil. Elə kişi kimi də, köhnə kişilərdəndir. Şahin Diniyev “Səbail”də artıq yavaş – yavaş öz sistemini otuzdurur. Sadəcə, həm klub rəhbərliyi, həm də, idman mətbuatı Şahin hocaya dəstək olmalıdır. Axı “Qarabağ”ın baş məşqçisi Qurban Qurbanov da, ilk aylarda, illərdə, uğurlu nəticələr əldə etməyib. Onun da, zamana ehtiyacı vardı. Zaman verildiyi üçün, tarixi nəticələr qazandı. Axı niyə də, Şahin Diniyevə bu imkan yaradılmasın. Onun da, zamana ehtiyacı var. Növbəti turda “Zirə”nin qonağı olacaq “Səbail”in qələbə şansları yüksəkdir. Çünki komanda daxilində ab –hava yüksəkdir. Bundan başqa, futbolçuların özünə inamı artıb. “Zirə”də isə əksinə vəziyyət ürəkaçan deyil. Komanda uğursuz nəticələr göstərir. Hər halda çox gərgin oyun olacağını indidən təxmi etmək olar. Əgər “Səbail” səfərdə “Zirə”dən də, xal alacaqsa, premyer liqada qalmaq şansları birə beş yüksələcək. “Sabah”la oyunda mən bir şeyi gördüm. Şahin Diniyev və komandası meydanda şikarını parçalamağa hazır idi. Şahin Diniyev qaranlıqdan çıxan yaralı Aslana, Şirə bənzədi.

Əli HƏYATİ