"Səbail" klubunun futbolçusu Adil Nağıyevin Futbolmedia.Az saytına açıqlaması.

Adil qarşıda Premyer Liqanın 14-cü turu çərçivəsində evdə güclü “Sabah”ı qəbul edəcəksiniz. “Səbail”in əsas futbolçusu kimi matç barədə fikirlərin?

Açığını deyim ki, çox çətin oyun olacaq. Turnir cədvəlindıki durum elədir ki, bir qələbə çox şeyi dəyişə bilir. Bundan başqa “Sabah” hazırda çox yaxşı oyun nümaiş etdirən güclü komandadır. Hazırki durumda yüksəlişdə olan komandadır.Qış fasiləsinə yollanmazdan öncə qələbə qazanmaq istəyirik.İnşəallah çalışacağıq ki, fasiləyə qələbə ilə yollanaq.

“Sabah”ın istənilən komanda, müdafiəçilər üçün baş ağrısı ola bilən, çəkinilən hücumameyilli futbolçuları var. İstər Aleksey İsayev, Con Mikels və sair. Bəs səni bir müdafiəçi olaraq bu amil narahat edirmi? Yəni belə səviyyəli futbolçulara qarşı oynamağını nəzərdə tuturam?

Heç bir həyacan filan yoxdur. Futbolda gərək dəqiq və yaxın oynayasan. İstənilən güclü rəqibə, istənilən güclü futbolçya qarşı oynamaq olar. Biz peşəkar komanda,peşəkar futbolçuyuq. Baş məşqçinin verdiyi tapşırıqları dəqiq yerinə yetirsək, qalib gəlmək olar. Yaxşı oyun sərgiləsək, rəqibin qapımız qarşısında təhlükəli real qol vəziyyətləri yaratmasının qarşısını ala bilərik. Bundan başqa, mən peşəkar futbolçu olaraq bir çox güclü futbolçulara qarşı oynamışam. Aleksey, Con Mikelsdən də səviyyəli , güclü futbolçularla mübarizədən qalib ayrılmaöı bacarmışıq. Məsələn “Qarabağ”da Kady, Zubir, Ozobiç, Vardji kimi usta futbolçularla oyunda qarşısını alıb, “Qarabağ”a qalib gəlməyi bacarmışıq.Bir müdafiəçi kimi komandama və özümə güvənirəm.