Premyer Liqamızın sonu yaxınlaşdıqca, transfer xəbərləri də, dolaşmaqda davam edir. Artıq bir çox futbolçuların yeni iş yeri kimi hansı klubu seçəcəyi indidən bəllidir. Daha çox adı hallanan futbolçular “Neftç”, “Sumqayıt”,” Sabah” klublarının formasını geyinir. Bu sıraya “Şamaxı”nı da əlavə etmək olar. Etibarlı mənbədən aldığımız məlumata görə, “Neftçi”yə məxsus olan və icarə əsasında “Şamaxı”da top qovan Fəhmin Muradbəyliyə bir çox klub elçi düşüb. Bu klubların içərisində ən iddialısı “Sabah” və “Zirə komandalarıdır. Eşitdiyimizə görə,“Zirə”nin baş məşqçisi Rəşad Sadıqov Fəhmin Muradbəylini transfer etmək üçün Mövsüm bitər –bitməz hərəkətə keçəcək. İstedadlı futbolçunu yaxşı tanıyan R. Sadıqov məhz Fəhmin kimi sürətli, dinamik futbolçulara daha çox üstünlük verir. Lakin digər tərəfdən “Neftçi”nin də, Fəhmin Muradbəyliyə ehtiyyacı olduğunu nəzərə alsaq, “Zirə”ə və “Neftçi” arasında futbolçu uğrunda əməlli başlı mübarizə gedəcək. Müqavilə ilə “Neftçi”yə məxsus olan futbolçu sonda söz sahibi olacağını söyləmək olar. Axı istəməyən futbolçunu kimsə zorla klubda saxlamaz. Bütün bunları nəzərə alsaq, növbəti mövsümdə Fəhmin Muradbəylini “Zirə” və ya,”Sabah”da görə biləcəyik.