Azərbaycan Premyer Liqasında 2022/2023 mövsümünün çempionu məlum olub. "Qarabağ" 31-ci çempionatın qalibi adına layiq görüldü. Çempion “Səbail”ə səfərdə 3:0 hesabı ilə qalib gəlib və qızıl medalları rəsmiləşdirdi. “Qarabağ” tarixində 10-cu dəfə Azərbaycan çempionu olub və yeni rekorda imza atıb. Buna qədər rekord 9 çempionluqla “Neftçi”yə məxsus olub. Bütün bunlar bizlərin , yəni Aysberqin görünən tərəfidir. Bura qədər, bu çempionluğa qədər gəlinən çətin və uzun yollar, görülən işlər var. “Qarabağ” böyük bir klubdur. Yəni bir böyük camiə olaraq fəaliyyət göstərir. Bu klubda hər şey, və bütün işlər sistematik şəkildə görülür. Bu bir peşəkarlıqdır. Bu sistematik və peşəkarlıqla görülən işlər, “Qarabağ” klubunu Avropanın güclü klubları ilə yanaşı getməsini görürük. Bəli ola bilər ki, maliyə baxımından geri qalır. Lakin peşəkarlıq, komandanın illərlə bir sistemlə çalışması, klubda olan güclü kadırlar, mətbuatla olan münasibətlər,kluba lazımı səviyyədə edilən möhtəşəm transferlər, Avropa yarışlarında qazandığı uğurlar, adından söz etdirməyi və sairi nümunə göstərmək olar. Bu möhtəşəm beşliyə Tahir Gözəl, Emrah Çelikel, Qurban Qurbanov, Asif Əsgərov, Gündüz Abbaszadə daxildir. Bəli bu möhtəşəm beşlik illərdi Azərbaycan futbolu adına, “Qarabağ”la, ardı –arda tarix yazırlar. Bəlkə də, 100 il ərzində “Qarabağ” klubunun qazandığı uğurları, heç bir klub təkrar edə bilməyəcək. “Qarabağ” və rəhbərliyi daha bir tarix yazaraq, ilk dəfə Azərbaycan klubu olaraq futbolçusunu çox yüksək məbləğə Rusiya klubuna sataraq, daha bir tarix yazdı. Düşünürəm ki, bundan sonra klubun bu strategiyası, bacarığı daha da, irəli gedəcək. Bu amil həm də, digər Azərbaycan klublarına tranplin ola bilər.

Bir nümunə oldu. Çox vacib yol, cığır açdı.Bir ordunun başında yaxş səkərdə olmasa, həmin ordu döyüş meydanlarında qalibiyyət qazana bilməz. Qurban Qurbanov “Qarabağ”ın dəryalarda üzən gəmisinin kapitanı olasa da, bu ordunun başında duran Emrah Çelikel var. Bu adam bütün gəncliyini, gücünü, zəkasını, sağlamlığını bu klubun yolunda qoyub. Mən Emrah bəyi illərdi tanıyır, onun gördüyü işlərə yaxşı bələdəm. “Qarabağ” klubunun fəaliyyəti ilə bağlı ən azı 10 ildir ki, həyatının yarısı klubda, vacib səfərlər üçün təyyarə ilə göylərdə keçib. Bütün çətinliklərdə sinəsini önə verən şəxsiyyətdir. “Qarabağ”ın xarici səfərlərində illərlə iştirak edən, jurnalist, sayt rəhbəri kimi Emrah Çelikelin gördüyü işləri, əziyyətini gözlərimlə görmüşəm. Bəli. Məhz bu zəhmətin, əziyyətin, yuxusuz gecələrin, çalışqanlığın nəticəsini, bəhrəsini bu gün görürlər. Emrah Çelikel komandanın yarısı deməkdir. Emrah Çelikəl öz işinin ustası, peşəkarıdır. Bundan başqa gözəl və səmimi bir insandır. Daim mətbuta açıq olan, heç bir jurnalisti qırmayan, müsahibələrdən qaçmayan, idman direktorudur. Bundan əlavə ordunun Tahir Gözəl kimi başqanı var. Bütün varlığı, maliyə gücü ilə “Qarabağ” klubunun yanında və arxasında durub. Bu gün də, həm klubunun, həm də, Azərbaycanın yanında olan güclü bir iş adamıdır. Tahir Gözəl Azərbaycan klubları içərisində ən güclü klub prezidentidir. T. Gözəl gücündən, vəzifəsindən,aslı olmayaraq hər zaman mətbuatla səmimi və mehriban münasibətdə olub. Klubların başında duran, idarə edən, maliyəni ayıran, hər cürə şərait yaradan, qələbədə, uğurlarda əsas pay sahiblərindən olan Tahir Gözəli unutmaq olmaz. Tahir Gözəl tanıdım ən güclü, səmimi, mehriban, işini, danışığını bilən vətənpərvər bir şəxsiyyətdir. Azərbaycan klubu olan “Qarabağ”ın Avropada, dünyada tanınması üçün əlindən gələni edib. Bu gün də, bunu davam etdirir.Bu Tahir Gözəlin böyüklüyüdür. İstənilən orduda güclü , bacarıqlı, istedadlı futbolçular olmazsa, uğura tam çatmaq olmaz. Məhz bu döyüşçüləri toplayan, axtarıb –arayan, kluba faydası dəysin deyə,çox əziyyət çəkən şəxslərdən biri də, Asif Əsgərovdur. Bəlkə də, “Qarabağ” klubu çox şanslıdır ki, Asif Əsgərov kimi baş meneceri var. Məhz bu insanın, klub üçün ənyaxşı futbolçuların transferində önəmli və həlledici rol oynamasını xüsusi vurğulayardım. Bildiyimə görə, klubda bir çətinlik, olan zaman hər kəs Asif Əsgərovu axtarır. Onun adını çağıraraq bu problemin həllində yardımçı olmasını istəyir. Asif Əsgərov klubun tək baş meneceri deyil,həm də,çətin günün adamı, dostudur. Hər sahədə “Qarabağ” klubu üçün faydalı olan şəxsdir. İnsan kimi səmimi və dürüstdür.



Mətbuatla görülən işlər, qurulan gözəl əlaqələr, peşəkarlıqda məhz klubun mətbuat xidmətinin rəhbəri Gündüz Abbaszadənin əməyi böyükdür. Yəni bu qələbədə, uğurda onun da, payı var. Gündüz Abbaszadə televiziya və jurnalistika sahəsində böyük təcürbəyə malikdir. Bundan başqa klub sferasında da, böyük uğurlar qaznıb. Vaxtı ilə “Neftçi” komandasının mətbuat xidmətinin rəhbəri olub. Dəfələrlə Azərbaycan çempionu olub. Ölkəmiz adına ilk dəfə Avroliqanın qrup mərhələsinə vəsiqə qazanan “Neftçi”də xidmətləri olub.


Çox böyük təcrübəyə malik şəxsdir. Bunu görməmək olmaz. Mətbuatl əlaqələrin peşəkar səviyyədə qurulmasında xidmətləri böyükdür.Bütün bu uğurlarda Qurban Qurbanov başda olmaqla, bütün “Qarabağ” camiəsinin əməyi, xidmətləri var. Bu il də, “Qarabağ”dan bu möhtəşəm beşlikdən, daha böyük tarixi uğurlar qazanmasını gözləməyə dəyər. Azərbaycan futboluna süni nəfəs verən,yaşadan “Qarabağ”a və möhtəşəm beşliyə təşəkkürlər.

Əli HƏYATİ