"Çox çətin bir qarşılaşma oldu. Bilirdik ki, bizi asan oyun gözləmir. Lakin istənilən halda meydana qalib gəlmək üçün çıxmışdıq. İlk dəqiqələrdə hər iki klub ehtiyyatla oynayırdı. Daha doğrusu, kəşfiyyat xarakterli hücumlar olurdu. Çünki istənilən adi səhv çox baha - başa gələ bilərdi."

Bu sözləri,Futbolmedia.Az saytına açıqlamasında "Neftçi"nin futbolçusu Rəhman Hacıyev deyib. Futbolçu kuboku qazana bilməməyinin səbəbbini belə açıqladı." Gördünüz ki, 90 dəqiqə ərzində hər iki komandanın çox da, real qol imkanları olmadı. Kubok oyunlarında bir qol belə hər şeyi həll edir. Buna görə də, oyun uzatma dəqiqələrinə kimi getdi. Əgər qapımıza penalti təyin olmasaydı, bəlkə də, penaltilərlə qalib gələ bilərdik. Neyləmək olar qismət deyilmiş.