“Oyuna komanda şəklində çox yaxşı hazırlaşmışdıq. Bütün komanda, məşqçilər heyəti qələbəyə köklənmişdik. Uzun müddətdir ki, qələbə qazana bilmirdik. Bu oyunun geri dönüşü yox idi. Şükürlər olsun ki, istədiyimiz kimi oldu. Komandamız böyük hesablı qələbə qazanmağı bacardı.”

Bu sözləri “Səbail” klubunun futbolçusu Ruslan Hacıyev Futbolmedia.Az saytına açıqlamasında deyib. Böyk hesablı qəlbə və meydana çıxmamasından danışan gən futbolçu bunları söylədi.

“Düzünü deyim ki,böyük hesablı qələbə gözləmirdim. Lakin bu oyunda qalib gələcəyimizi gözləyirdim. Bunu təkcə mən deyil, bütün komanda gözləyirdi. Ən azından minimal hesablı qələbəyə ümüd edirdik. Biz doğma meydanda bütün rəqiblərlə oyunda qələbə qazana bilərdik. Çünki öz meydanımıza daha yaxşı öyrəşmişik. İstənilən rəqibə baş ağrısı ola bilərik. Bu oyunda mən meydana çıxmadım. Lakin bu baş məşqçinin qərarıdır. Bu qərara çox hörmətlə yanaşıram.Əlbəttə ki, şans verən zaman oynayıram. Bundan başqa daima öz üzərimdə çalışıram. Yenə şans veriləcəksə, özümü yaxşı tərəfdən göstərməyə çalışacam.”