“Sumqayıt”la oyunda komandamız çox istəkli idi. Özünüz də, gördünüz ki, matç boyu üstün tərəf biz olduq. Daha çox real qol imkanları əldə etdik. Sadəcə, baş hakimin oyun zamanı etdiyi gedişatlar, rəqib komandanın futbolçularına layiq olduqları sarı vərəqələri verməməyi, ofsaytdan vurulan qol nəticəyə təsir etdi. Sanki meydandanda hakim “Kəpəz”ə qarşı mbarizə aparmağa çıxmışdı. Belə olmaz. Hər şey kənardan açıq-aydın görünürdü.”

Bu sözləri Futbolmedia.Az saytına açıqlamasında “Kəpəz”klubunun kapitanı Tural Axundov deyib. Təcrübəli futbolçu məğlubiyyətlərini birbaşa baş hakimin bilərəkdən yanlış qərarlar verməsi ilə əlaqələndirdi. Futbolçu daha sonra bunları söylədi

“Sumqayıt”ın futbolçuları bizim oyunçuların az qala ayağını sındırırdı. Lakin baş hakim Tural Qurbanovun ya fiti susurdu, yada ki, əlini cibinə atmırdı. Elə bir nədənsə qorxurdu. Və ya, “Sumqayıt”ı qorumağa çalışırdı. Bu bir biabırçılıdı. Qapımıza vurulan qolun ofsaytdan olduğunu bütün Azərbaycan gördü. Lakin baş hakim Tural Qurbanov görmədi. Və ya, görməzdən gəldi. Bu Gəncə futboluna, azarkeşlərinə,klubumuzun rəhbərliyinə,baş məşqçimiz Tərlan Əhmədov qarşı haqsızlıqdı. Onsuz da, çətin durumda hər bir uğura dişimizlə-dırnağımızla çatırıq. Baş məşqçinin, məşqçilərin, futbolçuların zəhmətini, aylarla çəkdiyi əziyyəti yerə vururlar. Mən başa düşə bilmirəm ki, bu “Kəpəz”dən hakimlər,Tural Qurbanov nə istəyir? Onun bizim oyunlara təyinatında bax bu cür hadisələr, olaylar, haqsızlıqlarla üzləşirik. Mən inanmıram ki, bu bir təsadüf olsun. Belə olmaz axı. Bütün mətbuat gördü və qapımıza vurulan ofsayt qolu, baş hakimi, tənqid etdi. İnanıram ki, gələn oyunlarımızda birdə belə haqsızlıqlarla, hakim özübaşınalıqları ilə üzləşmərik.

Əli HƏYATİ