Azərbaycan premyer liqasının 32-ci turunda çox maraqlı hadisələr baş verdi. İlk olaraq, turun ilk açılış matçında “Kəpəz” Qəbələdə “Sumqayıt”ı qəbul edirdi. Əslində Gəncə klubu da, rəqib komanda kimi qonaq qismində meydanda mübarizə aparırdı. Çünki öz Gəncə stadionlarından necə deyərlər təxribat nəticəsində ayrı salınıblar. Ot örtüyü elə günə bilərəkdən salınıb ki, heyvan belə stadionda otlamaz. Gələk məsılənin əsas yerinə. Matç boyu “Kəpəz” rəqib komanda olan “Sumqayıt”dan üstün futbol sərgilədi. Hətta dəfələrlə real qol imkanları oldu. Xüsusən də, qapılarına ofsaytdan vurulan qoldan sonra çox aktiv oyun sərgilədilər. Məhz həmin ofsaytdan vurulan qolun qeydə alınması, Azərbaycan futbolunun və hakimlərinin hansı gündə olduğunu göstərdi. Matçın baş hakimi Tural Qurbanov açıq-aşkar “Kəpəz”ə düşman kəsllmişdi. Bunu oyun ərzində verdiyi anormal qərarlarla görmək olardı. “Sumqayıt” futbolçuları dəfələrlə sarı vərəqəlik qayda pozuntuları etdilər. Lakin baş hakim Tural Qurbanovun fiti susdu. Və ya, əlini cibinə aparmaq istəmədi. Görünən o, idi ki, hakim Gəncə lubunun futbolçularını psixoloji gərginliyə salmağa çalışırdı. Demək olar ki, buna nail olmuşdu. Onun idarəçiliyindən Futbolçular, məşqçilər, azarkeşlər və jurnalistlər çox narazı qaldı. Gələk matçın 64 –cü dəiqəsində “Kəpəz”in qapısına ofsaytdan vurulan qola. Qolu qeydə alan baş hakimi VAR hakimlər briqadası monitora dəvət etdi. Hakimlərin bu qərarı ona dələalət edirdi ki, qol ofsaytdan vurulub. Yoxsa, VAR hakimləri baş hakimi heçnədən niyə monitora çağırsınlar ki? Televiziya vasitəsi ilə milyonlarla insan da, təkra epizoda dəfələrlə baxdıqda, gördülər ki, həmin qol ofsaytdan vurulub. Hər şey açıq-aydın görünürdü. Hər kəs və mən də, düşündüm ki, baş hakim Tural Qurbaonov indi VAR-a baxdıqdan sonra qolu ləvğ edəcək. Lakin hakim hər kəsi şoka salacaq qərar qəbul etdi. Əslində, bu qərar şoka salacaq deyil, şübhə yaradacaq qərar idi. Məhz bu qərardan sonra baş hakimin kimlərinsə sifarişini yerinə yetirdiyini görmək çətin olmadı. Aldığımız məlumata görə, məhz baş hakim Tural Qurbanovu Hakimlər Komitəsinə işə düzəldən “Sumqayıt” klubunun rəhbəri Riad Rəfiyevdir. Hə bax buna görə baş hakim Tural Qurbanovun xislətinin, cənfəşanlığının, nəyə xidmət etdiyini görməmək çətin deyildi. Azərbaycanda ən pis gündə olan “Kəpəz”dən nə istəyirlər. Heç nəyi olmayan, hər şeyi sıfırdan qurulan komandanı baş məşqçi Tərlan Əhmədov zirvələrə daşıyır. Azərbaycan futbolunu gözü götürməyənlər buna mane olmağa çalışırlar. Axı “Kəpəz” Azərbaycan klubları içərisində sponsoru olmayan ən bədbəxtidir. Nə maaşları vaxtı –vaxtında verilir. Nə futbolçuların səviyyəsi normaldır. Belə heç nəyi olmayan kollektivdən möhtəşəm, döyüşkən komanda quran Tərlan Əhmədova torba tikməkdən doymadılar. Ümumiyyətlə, baş hakim olan Tural Qurbanov “Kəpəz”in oyunlarını idarə etdiyi görüşlərdə hər zaman Gəncə klubu uduzdurulub. Sanki bu hakim “Kəpəz” üçün bir cəsus funksiyasını yerinə yetirir. Bütün oyunlarda “Kəpəz”ə qarşı haqsızlıq olub. Hakimlər Komitəsi, AFFA-da oturan bəzi “Kəpəz”, Gəncə futboluna düşman şəxslər elə bilməsinlər ki mətbuatın, azarkeşlərin, insanların gözündən onların çirkin əməlləri yayayınıb. Hər kəs hər şeyi yaxşı görür. Vaxtı çatanda etdiyi cinayətlərə görə cavab verəcəklər. Özünüzü yığışdırın. Gəncə futbolundan, Tərlan Əhmədovun yaxasından əl çəkin. İmkan verin ki, Azərbaycanda futbol yaşasın. İnkişaf etməyi bir qırağa dursun. Yoxsa, sizə verəcəyimiz cavab ağır olacaq.

Əli HƏYATİ