"Kəpəz" klubunun kapitanı Tural Axundovun Futbolmedia.Az saytına müsahibəsi.

Tural “Səbail”lə oyunda yaxşı oynasanız da, məğlub oldunuz. Rəqib komandanı hər tərəfli üstələmişdiniz. Komandanın kapitanı olaraq bu məğlubiyyət haqqında nə deyərdin?

Əlbəttə ki, oyun bizim nəzarətimiz altında keçdi. Sadəcə, bir kobud səhvdən qol buraxdıq. Oyun zamanı bir neçə real qol imkanlarımız oldu. Bir dəfə top rəqib qapısının dirəyindən geri qayıtdı. Sanki top “Səbail” komandasının qapısından keçmək istəmirdi. Buraxdığımız qol isə çox uşaq səhvi oldu. Bu oyun bizim qələbə ilə tamamlana bilərdi.

Buraxılan qolda sənin mövqeyində meydana çıxan Elçin Əlicanovun kobud səhvindən vuruldu. Buna münasibətin necədir?

Bəli. Onun səhvi olduğunu demək olar. Lakin tam olaraq deməzdim ki, Elçin burda tam günahkardı. Tam olaraq səhvi Elçinin üstünə atmaq olmaz. Qol buraxılıbsa, burada hamı günahkardı. Baş məşqçi ən yaxşı dəyərləndirmə edəcək.

Qələbə qazanmağınıza nə çatmadı. Buna səbəb kimi nəyi görürsən?

Sadəcə, bir çox epizodları dəyrləndirə bilmirik. Bundan başqa bəxtimiz də, gətirmir. Sanki “Kəpəz” “qara zolağ”a düşüb. Bundan başqa komandamız üzərində kənardan təzyiqlər çoxdur. Bütün bu amillər futbolçulara da, baş məşqçiyə də, çox pis təsir edir. Buna görə də, yaxşı nəticələr əldə etmək çətindir. Bizə bu hadisələr çox pis təsir edir.

Sən niyə oynamadın. “Səbail”lə oyunda sənin kimi güclü, təcrübəli futbolçuya ehtiyyac vardı?

Mən hər oyuna hazıram. Bu baş məşqçimizin qurduğu heyətidir. Tərlan müəllimin işinə heç kəs qarşımamalıdır. Onun qurduğu heyətdir. Fərqi yoxdur kim oynayırsa, meydanda sonacan mübarizə aparmalı, canını qoymalıdır. İnanıram ki, inşallah növbəti oyunlarda komandama kömək edərəm.

“Səbail” lə oyunda bir azarkeşiniz bıçaqlanıb. Bildiyimizə görə, sən də, bir kapitan kimi xəstəxanaya ziyarətə getmisən. Vəziyyət necədir?

Biz də, eşitdik çox pis olduq. Belə hadisələr olmamalıdır. Çünki bu tip olaylar futbola çox böyük ləkə vurur. Bıçaqlanan şəxs Gəncə sakinidir. Biz azarkeşlərimizin yanındayıq. Çox şükür həyatı təhlükə yoxdur.

Əli HƏYATİ