"Kəpəz" klubunun kapitanı Tural Axundovun Futbolmedia.Az saytına müsahibəsi.

Tural “Şamaxı” üzərində evdə əzimkar qalibiyyət qazandınız. Bu oyunda azarkeşlər bir qol yağışı izlədi. Komandanın kapitanı olaraq bu qələbəni şərh edərdin?

Çox çətin və mraqlı bir matç keçdi. Doğruur ki, Gəncədəki oyunda meydanda qol yağışı oldu. Çox həyacanlı bir qarşılaşma oldu. Lakin bu çətin və maraqlı qarşılşmada qazanan tərəf biz olduq. Əslində bu qələbəyə elə biz daha çox layiq idik. Bu oyunda qələbədən başqa bir şey düşünmürdük. Bütün komanda əlindən gələni etdi ki, qalibiyyət qazansın.

Qol vursanız da, tez də, qapınızda qol görürdünüz. Bu müdafiədəki boşluqlar nə idi?

Bilirsiniz, oyunlarımızı izləyənlər bilir ki, qapımızda qol görsək də, rəqib qapısına da, yol tapırıq. Düzü, müdafiədə bu boşluqlar hər zaman olub. Bunu baş məşqçimiz özü yaxşı bilir. Və bunun üzərində daima çalışırıq.Buraxdığımız qollar uşaq səhvlərindən oldu. Yəni bu qolları da, buraxmalı deyildik. Komandamız özünü toparlaya bildik. Meydançanın da, durumunu nəzərə almaq lazımdır. Bundan başqa klub ətrafında, daxilindəki söz –söhbətlər də, bizə çox pis təsir edir. Azarkeşlərin komandaya, baş məşqçiyə, futbolçulara qarşı hörmətsizliyi də, nəticələrimizə təsir edir. Əgər uğur qazanmağımızı istəyiriksə, bu söz –söhbətlərə son qoyulmalıdır.

Dasilədə baş məşqçi Tərlan müəllim sizlərə nələr söylədi, hansı taktiki tapşırıqları verdi ki, ikinci hissə daha yaxşı oynadınız. Və qələbə qolunu vurmağı bacardınız?

Baş məşqçimiz ilk olaraq, bizə motivatsiya verdi. Yəni psixoloji tərəfdən bizi motvə etdi. Bundan başqa xüsusi taktik tapşırıqlar verdi. Bunları meydanda icra etdiyimiz üçün qələbə qazanmağı bacardıq. Biz meydanda futbol oynamağı bacaran komandayıq. Meydanda futbol göstəririrk.

Oyun zamanı “Kəpəz” qalib gəlsə də, meydanda çox az bir qism azarkeş vardı ki, istefa qışqırırdı. Sən və komanda yoldaşların bunaetiraz olaraq oyundan sonra azarkeşlərə tərəf getmədiniz. Nə məsələ idi?

Bilirsiniz, bir azarkeşlər görür ki, komandası qalib gəlir. Və bu oyunu daha yaxşı oynayır. Niyə istefa qışqırmalıdır. Bax buna səbəb nədir? Komandası udan azarkeş niyə baş məşqçiyə etiraz etməli, istefa qışqırmalıdır. Nə məcburdu. Bunda məqsədləri nədir. Demək ki, buna təkan verən qüvvələr var. İstefa qışqıran azarkeşlər isə çox azdır. 5-10 nəfər adamı bütün “Kəpəz” azarkeşlərinin adına yazmaq olmaz. Gəncə azarkeşləri bizdən də, baş məşqçidən də, razıdır. Bütün bu neqativ olaylar biz futbolçuların oyununa pis təsir edir. Bu çətin durumda hələ qələbə qazana biliriksə, böyük bir işdir. Yeri gələndə komandanın ikinci forması yoxdur. Və digər problemlər çoxdur. Biz bütün bu çətin durumda qələbə qazanırıqsa, böyük işdir.

Əli HƏYATİ