"Turan Tovuz" klubunun aparıcı futbolçularından olan Tərlan Quliyevin Futbolmedia.Az saytına müsahibəsi.

Tərlan premyer liqanın daha bir turunda evdə qalib gələ bilmədiniz. Çətin oyun olacağı gözlənilirdi. Lakin “Turan Tovuzu”un qələbəsini çoxları gözləyirdi. Ancaq evdə 2 xal itirdiniz. Matç haqqında təsüratların?

Matçın gərgin keçəcəyini əvvəlcədən yaxşı bilirdik. Çünki “Şamaxı” klubu da, bizimlə oyuna ölüm-dirim savaşına çıxacaqdı. Turnir cədvəlindəki mövqeləri onları buna sövq edirdi. Buna görə də, rəqib Tovuza nəyin bahasına olursa-olsun, xal qazanmaq üçün gələcəkdi. Lakin biz də, bu oyunda mütləq qalib gəlmək istəyirdik. Çünki bizim də,qləbəyə çox böyük ehtiyacımız vardı. Neçə tur idi ki, qalibiyyət üzü görmürdük. Elə ilk qolu da, biz vurduq. Çox təəssüflər olsun ki, heç nədən qapımlzda qol gördük. Bəlkə də, rəqib futbolçu Fuad həmin mövqedən 100 dəfə də, topu qapımıza tərəf qaldırsaydı, qapımızdan keçməzdi. Lakin qismət belə imiş.

Bəs konkret bu oyunda qalib gələ bilməməyinizi nə ilə əlaqələndirərdin. Yəni səbəb nə oldu?bəlkə komandanızda bir qədər ruh düşgünlüyü yaranıb?

Deməzdim ki, komanda taməmən ruhdan düşüb. Ümumiyyətlə, ruh düşgünlüyü olması üçün tutarlı səbəblər olmalıdır. Hazırda klubumuzda elə bir səbəbə yoxdur. Ola bilər hansısa futbolçularımızda bir qədər yorğunçuluq olsun. Və ya, oyuna hazır olmaya bilərlər. Ruh düşgünlükdən söhbət belə gedə bilməz. Sadəcə, əlimizə düşən real qol imkanlarını dəyərləndirə bilmədik. Bundan başqa qapımıza girən qolda, bəxtsizliklə üzləşdik.

Tərlan sən neçə turdu meydana çıxmırsan. Bildiyimizə görə, komandanın əsas fiqur oyunçularındansan. Bunun səbəbi nədir?

Hazırda elə bir dönəmdəyik,elə bir gərginlikdəyik ki, bu cür hallar olur. Kimin oynayıb-oynamaması vacib deyil. Əsas məsələ, komandamızın nəticə qazanmasıdır. Bilirsiniz ki, bir müddət öncə iki turda xəstəliklə əlaqədar meydana çıxa bilmirdim. Lakin hazırda hər şey mənimlə bağlı əladır. Növbəti oyuna tam hazıram. Baş məşqçinin verəcəyi qərarı gözləyirəm. Nə vaxt meydana buraxarsa, canla –başla komandamın uğuru üçün vuruşacam.

Mövsümün sonuna qədər “Turan Tovuz” daha yaxşı nəticə qazana bilərmi. Məsələn, kubokda uğur qazanmasını nəzərdə tuturam?

Əlbəttə ki, buna görə çalışırıq. Niyədə, olmasın axı. Lakin çox çətin bir qrafik bizi gözləyir. Gəncə klubu ilə oyunumuz var. Bu aralarda “Sabah”la qarşılaşacağıq. Bundan başqa ölkə kubokunda çox ağır oyunumuz var. Lakin buna baxmayaraq, mövsümün sonuna qədər turnir cədvəlində mövqeyimizi yaxşılaşdırmağa çalışacağıq. Ən əsası da, kubokda da, uğur qazanmaq istəyirik.

Bildiyimizə görə, mövsümün sonunda “Turan Tovuz”la müqavilənin müddəti başa çatır. Mətbuatda gedən xəbərlərə görə, biri iddialı olmaqla 3 klub səninlə maraqlanır. Bununla bağlı nə deyərdin?

Mən də, mətbuatdan oxumuşam. Əslində, bir futbolçuya mövsüm ərzində yaxşı performans göstərən, daha çox əsas heyətdə yaxşı oyun sərgiləyən futbolçuya təkliflərin gəlməsi normaldı. Şifahi təkliflər var. Lakin hazırda bütün diqqətimi “Turan Tovuz”a yönəltmişəm. Çünki başqa bir şey haqqında fikirləşməyə belə vaxtımız yoxdur. Çox çətin qarşılaşmalar qarşıdan gəlir. Bu barədə may ayının ortası və ya, sonunda qərar verəcəm. "