"Şamaxı" klubunun hücumçusu Rövşən Şahmuradovun Futbolmedia.Az saytına müsahibəsi.

Rövşən Şamaxıda “Neftçi” ilə maraqlı qarşılaşma oldu. Güclü rəqiblə oyunda çox yaxşı təsir bağışladınız. Demək olar ki, rəqib komanda ilə başa –baş mübarizə apardınız. Mən deyərdim ki, hətta bir xal sizin haqınız idi. Bəs sən necə düşünürsən?

Həqiqətən komandamız “Neftçi”yə qarşı möhtəşəm oynadı. Xeyli sayda real qol imkanlarımız oldu. Mən deyərdim ki, rəqib komandanın qapımız qarşısında elə bir ciddi, təhlükəli real qol epizodları çox olmadı. Çox təəssüflər olsun ki, bu yaratdığımız real qol vəziyyətlərini dəyərləndirə bilmədik. Bundan başqa da, bəxtimiz də, gətirmədi. Rəqib komandadan heç çəkinmədik. Bunu hər kəs gördü. Düşünürəm ki, bizim komanda məğlubiyyətə layiq deyildi. Ən pis halda oyunu heç –heçə başa vurmalı idik. Bəxtimiz gətirmədi.

Bu qədər oyunlarda real qol vəziyyətləriniz olur. Səncə, bunların heç olmasa yarısını dəyərləndirə bilməməyinizə nə çatmır. Yəni səbəbi nədə görürsən?

Bilirsiniz, komanda yeni qurulub. Heyətimizdə mənim kimi kifayyət qədər gənc futbolçular top qovur. Hətta çoxumuzun mənim kimi premyer liqa təcrübəsi yox idi. Bundan başqa bir çox oyunlarda komandamızın bəxtsizliyi höküm sürür. Artıq bütün iddialı, güclü rəqiblər bizim oyun üslubumuza görə, hücumlarda yaxşı oynadığımıza görə, “Şamaxı”dan çəkinirlər. Yəni daha bizə yuxarıdan –aşağı, zəif rəqib kimi baxmırlar. Şamaxıya gələn komandalar bizdən çəkinirlər.

Rövşən “Neftçi”yə qarşı oyunda əsas heyətdə yox idin. Heç sonradan da, meydana girmədin. Zədəli deyilsən?

Yox. Şükürlər olsun ki, zədəm yoxdur. Sadəcə, baş məşqçi belə qərar verdi. Bunu da, oyunun gedişatı, taktikası ilə əlaqələndirmək olar. Özünüz də, görürsünüz ki, demək olar ki, bütün oyunlarda meydana çıxmışam. İnşəAllah növbəti oyunda meydana çıxacağıma ümüd edirəm.

Növbəti turda daha bir iddialı klub “Qəbələ”yə qarşı oynayacaqsınız. Bu oyunda 3 xal qazanmaq şanslarınızı necə görürsən?

Güclü və sürətli oynayan komandadır. Mən deyərdm ki, bizi qarşıda “Qəbələ” ilə çox ağır və çətin oyun gözləyir. Lakin biz də, səfərə qalibiyyət üçün gedəcəyik. Çünki turnir cədvəlində çox böyük sıxlıq var. Çünki hər qazanılan xal qızıla bərabərdi.

Rövşən arıtq sənin haqqında da, transfer xəbərləri dolaşmağa başlayıb. Mətbuatda gedən xəbərlərə görə, səni bir neçə klub heyətinə qatmaq istəyir. Bu doğrudurmu. Və sənə təkliflər olubmu?


Bilirsiniz, hazırda bütün diqqətimi “Şamaxı”ya yönəltmişəm. Çünki hazırki durum çox kritikdir. Mövsümün sonunda premyer liqanı tərk edə bilərik. Buna görə də, içi mən qarışıq bütün komanda var gücünü “Şamaxı” üçün qoyur. Lakin mənim də, mətbuatda yazılan xəbərlərdən məlumatım var. Bəli. Bir neçə klubun mənimlə maraqlandığı deyilir. Mən bunu bir futbolçu olaraq çox müsbət qarşılayıram. Hıər bir futbolçu üçün sevindiricidir. Lakin düşünürəm ki, mövsümün sonuna qədər bir neçə qollar vuraramsa, öz üzərimdə məhsuliyyətlə çalışsam, daha yaxşı təkliflər gələ bilər.